பித்ருகர்மா

தருமபுத்திரரை யக்ஷன் ஒரு கேள்வி கேட்டான்

"உலகத்தோரால் கொண்டாடப்பட்டாலும் எவன் உயிரற்றவன் போலாவான்?"
தருமபுத்திரர் நிதானமாக யோசித்தார் ,பின் கூறினார்

"தெய்வம் , அதிதி பணியாட்கள் பித்ருக்கள் ஆகியோருக்கும் ஆத்மாவுக்கும்
எவன் திருப்தி செய்யவில்லையோ அவன் மூச்சு விட்டாலும் உயிரற்றவன் போலவான்
"

இந்தப்பதில் சரியானதாக இருக்க யக்ஷன் திருப்தி அடைந்தான்

ஆடி மாத அமாவாசை தை மாத அமாவாசை மாஹாளய பக்ஷம்
அமாவாசை போன்ற நாட்களில் பித்ருக்களைத்திருப்தி படுத்துவது
அவசியம் .இதை தர்மசாஸ்திரமும் தெளிவாக கூறுகிறது
இறந்த முன்னோர்களை நினைத்து அவருக்கு நன்றி தெரிவிப்பது நமக்கு
விதிக்கப்பட்ட கடமைகளில் மிக முக்கியமான ஒன்று

கோயிலுக்குச்செல்லாவிட்டாலும் பரவாயில்லை ஆனால் ஒவ்வொருவரும்
இறந்த தமது பெற்றோர்களுக்குச்சிரார்தம் செய்வது மிகமிக அவசியம்
இவைகளைக்கைவிட்டால்தான் பித்ருதோஷம் என்று ஒன்று ஏற்பட்டு
வம்சத்தையே பாடுபடுத்துகிறது அவர்களைத்திருப்தி செய்யாவிட்டால்
பித்ரு சாபம் "என்று ஒன்று வந்து சேர்கிறது

இந்து மதத்தில் குடும்பத்திற்கு மிக முக்கியத்வம்
கொடுக்கப்பட்டிருக்கிறது.
பெற்றோர்கள் தங்கள் உயிரையும் கொடுத்து தாங்கள் பெற்ற செல்வங்களுக்கு
கல்வி ,நற்பண்புகள் சொல்லிக்கொடுத்து வளர்த்து ஆளாக்குகிறார்கள்
இதைச்செய்யும் போது பல தியாகங்களையும் செய்கிறார்கள் அப்படிப்பட்ட
அவர்களைக் கடைசிக்காலத்தில் நன்கு கவனிப்பதோடுமல்லாமல் இறந்தப்பின்னும்
சாஸ்திரப்பிரகாரம் , சிரார்த்தம் தவறாமல் செய்ய வேண்டும் செய்வதில் ஒரு
சிரத்தையும் இருக்க வேண்டும் அப்படி செய்தால
பித்ருக்கள் மகிழ்ந்து போக பித்ரு தேவதைகள் நமக்கு நற்பலனை
அளிப்பார்கள் .ஒவ்வொருவரும் விடாமல் செய்ய வேண்டிய கர்மா இது

வினோதமான பிரார்த்தனை

தில்லியில் ஒரு சமயம் என்னை ஒரு புத்தமத கூட்டத்திற்கு அழைத்திருந்தார்கள் ,அதில் எல்லோரும் பிரார்த்தனை , தியானம் பின் அவர்கள் அனுபவத்தைப் பகிர்ந்து கொள்வது என்று நேரத்தைப்பிரித்துநிகழ்ச்சியைத் தயார் செய்திருந்தார்கள் .
அதன் பின் செவிக்கு ரசமான உணவு அதாவது பாஸிடிவ் சிந்தனைகொண்ட பாடல்கள்
பின் நடனம் என்று பல அம்சங்கள் அதில் சேர்க்கப்பட்டும் இருந்தன . என்னை அவர்கள் வயலின் வாசிக்க அழைத்திருந்தனர் அதன் பாட்டு "ஹே மாலிக் தெரே பந்தே ஹம் -சரி நமக்கும் ஒரு வாய்ப்பு கிடைத்ததே என்று மகிழ்ந்து முதன் முதலாக அந்தப் புத்தமத கூட்டத்திற்குப்போனேன்


,ஒரு அறையில் அழகான் அலமாரி .
பர்மா தேக்கினால் ஆனது. அதில் பலவிதமான வேலைப்பாடுகள் கண்களைக்
கவர்ந்தன. ஊதுவத்தியின் நறுமணம் ஊரைத் தூக்கியது ,அந்த அலமாரியின் உள்ளே எதோ பாலி மொழியில் ஒரு மந்திரம் போல் எழுதி இருந்தது. ஒரு தலைவி ஒரு சேகண்டி எடுத்து ,மூன்று முறை டண் டண் டண் என்று தட்டினாள் பின் ஒர் கிண்டிபோல் உள்ளதிலிருந்து தெளிவான சற்று நறுமணமுள்ளத் தீர்த்தம் எடுத்துத் தெளித்தாள் சங்கு முழங்கியது.
நிறைய பழங்கள் வைக்கப்பட்டிருந்தன .பின் எல்லோரும் கண்களை மூடிக்கொண்டனர் தியானம் ஆரம்பமாகியது .

பின் அவர்கள் ஒரே குரலில் மந்திரம் சொல்ல ஆரம்பித்தனர் ,ஆஹா வண்டுகள் ரீங்காரம் செயவது போல் ஓம் என்ற சத்தம் என் காதில் கேட்டது ,அந்த ஹால்
முழுவதும் தென்றல் வீசுவது போல் அந்த மந்திர ஒலி வரிசையாக அடுக்கடுக்காய் வந்தது அவர்கள் சொன்ன மந்திரம்

"நம்யோஹோ ரெங்கே க்யூ ,,,,,இதைச் சற்று மூக்கால்
சொல்லுகிறார்கள் ,,நானும் கூடச் சொன்னேன் இதை தினமும் ஜபித்தால் எல்லா வித்ததிலும் வெற்றிதான் என்கிறார்கள் மன அமைதி கிடைக்கவும் இதைச் சொல்கிறார்கள் இதுவே வேகம் குறைவாகவும் பின் வேகமாகவும் மொழிகிறார்கள்
அவர்களுக்கு இதற்கென்று சில எண்ணிக்கைகள் இருக்கின்றன ,அதன் பிரகாரம் செய்கிறார்கள்,


இந்த இயக்கத்தின் தலைவர் மாகிகுச்சி Makiguchi ,,nikko shonan joshe Toda
பின் கடைசியில் அவர்கள் தங்கள் குருமார்களுக்கு நன்றி தெரிவித்துக்கொண்டு முடிக்கிறார்கள்.


ஷோய் ஷோஹோ ந்யோஸீஸோ nyo ze so
ந்யோஸீ ஷோ ந்யோ ஸோதாய் ,
ந்யோ ஸீரீகீ ந்யோஸீ ஸா
ந்யோ சீ இன் ந்யோஸீ என் ,,
ந்யோ ஸீகா ந்யோஸீ ஹோ
ந்யோ ஸீ ஹான் மக் காக்யோ டோ

சேகண்டியால் மூன்று தடவை டண் டண் டண் ,,,,என்று அடித்து முடிவு பெறுகிறது அந்த ஹாலில் நற்றலைகள் பரவி என் உடலுக்குள் ஊடுருவிச் செல்வதை நான்
உணர்ந்தேன் ,,,,புத்தம் சரணம் கச்சாமி
சங்கம் சரணம் கச்சாமி
தம்மம் சரண கச்சாமி ,,,,

அங்கு இருந்த சலவைக்கல்லினால் ஆன புத்தரின் சிலையின் சாந்தமும் கண்கள்மூடிய நிலையில் அமைதியும் புன்னகையில் ஒரு ஆனந்தமும் கிடைக்கப் பெற்றேன் .

பின் சிலர் தங்கள் பிரச்சனைகளை பிரார்தனை மூலம் சபை முன் வைத்தனர் சில பிரார்தனை நியாயமாக இருந்தது ஆனால் சில மிகவும் மிகவும் வருத்தப்படும்படியாக இருந்தது

ஒரு பென்மணியின் பிரார்த்தனை " என் மாமியார் கூடிய சீக்கிரம்
எங்களை விட்டுப்போய்விடவேண்டும் அப்போதுதான் வீட்டில் நிம்மதி "இப்படி ஒரு பிரார்த்தனை கேட்க அதிர்ச்சியாக இருந்தது எத்தனைக்கொடுமை மாமியாரானாலும் ஒரு மகனுக்குத் தாயல்லவா?

இன்னொரு பிரார்த்தனை வேடிக்கையாக இருந்தது அப்போது கிரிக்கெட் விளையாட்டு நடந்துக்கொண்டிருந்தது இந்திய அணி படு தோல்வியைத்
தழுவிக்கொண்டிருந்தனர் ஆனால் ஸ்ரீலங்காஅணி மிகப்பிரமாதமாக
ஆடியது இதை மனதில் கொண்டு ஒரு பெண்மணி பிரார்த்தனையில்
ஸ்ரீலங்கா தோல்வி அடைந்து இந்தியா வெற்றி பெற வேண்டும் என்று
வேண்டச்சொல்கிறாள்

இதெல்லாம் பார்த்தால் ஒருமாதிரியாக இருந்து மனம் அங்கு ஒப்பவில்லை
எல்லோரும் நன்றாக இருக்க வேண்டும் என்பதே பிரார்த்தனைக்கு
ஆதாரம் சர்வே ஜனானாம் சுகினோ பவந்து " என்றே பல இடங்களில்
ஆன்மீகக்கூட்டம் முடிவடையும் இங்கு வேண்டிய பல அபத்தமான
பிரரர்த்தனனயில் அதிக சுயநலமே கண்டேன் ஒரு சமயம் நான் போயிருந்த
இடத்தில் அப்படி நடந்திருக்கலாம் அதனால் எல்லா இடங்களிலும் இப்படித்தான் இருக்கும் என்று முடிவு கட்டுவது நியாயமில்லை ஆகையால் அங்கு நடந்த மந்திரங்கள் பஜனைப்பாடல்கள் பின் வயிறுக்கும் விருந்து இவைகளில் திருப்திக்கொண்டு வீடு வந்துச்சேர்ந்தேன்

விரதம்

ஆவணி மாதம் வந்தாலே விரதங்களும் கூட வந்துவிடும் இதில் பெண்களின் சௌபாக்கியத்திற்கும்
சுமங்கலிகளுக்கென்று ஒரு விரதமும் மிகவும் சிறப்பாக பெண்களால் செய்யப்டுகின்றன

ஸ்ரீவரலட்சுமி விரதம் ஜன்மாஷ்டமி விரதம் மங்களாகௌரிவிரதம் நாகபஞ்சமி விரதம் கருடபஞ்சமி விரதம் ,வினாயகசதுர்த்தி விரதம் என்று ஆவணியை பல விரதங்கள் அணைக்கின்றன

விரதம் இருப்பதால் நம் மன உறுதி மேலும் பலப்படுகிறது மனவலிமையால் செய்யமுடியாத காரியங்கள் தான் உண்டோ?
இந்த விரதத்தை சம்ஸ்கிருதத்தில் உபவாசம் என்கின்றனர் வாசம் என்றால் இருத்தல்
உபவாசம் என்றால் பக்கத்தில் இருத்தல் என்று பொருள் கொள்ளலாம் யார் பக்கத்தில் ?
நிச்சியமாக இறைவன் அருகில் தான் .....இது எப்படி சாத்தியமாகிறது ? ஆம் எப்போது மனம் ஒருமுகமாக ஒரே சிந்தனையுடன் ஒரே காரியத்தில் ஈடுபடும்போது அது இறைவன் சமீபம் போகும் சக்தி பெறுகிறது
மனம் சிதற உணவும் ஒரு காரணமாக அமைகிறது உணவிலும் சத்வ உணவு ரஜசு தமசு என்ற உணவுகள் இருக்கின்றன .கபம் பித்தம் வாதம் என்ற பிரிவிகள் நம்முடலில் எத்தனைத்தேவையோ அந்த அளவு தான் இருக்க வேண்டும் இவை குறைவோ கூடியோ இருக்க நோய் வருகிறது ஆயுர்வேதம் இதைக்கொண்டு தான் செயல்படுகிறது

உபவாசம் வரும் தினங்களில் துளசி தீர்த்தம் மட்டும் எடுப்பது மிக உன்னத முறையாகும் சிலருக்குச் சர்க்கரை நோய் இருக்குமானால் ஒரு வேளை மட்டும் கஞ்சியோ சேர்த்துக்கொள்ளக்கூடிய பழங்களோ வயதானவர்கள் எடுத்துக்கொள்ளலாம்
இந்த விரதங்கள் கடைப்பிடிக்க ஒரு கட்டுப்பாடு நம்மால் மிக எளிதாக உருவாக்க முடிகிறது
வயிற்றுப்பசி விரதத்தன்று வராமல் இருக்க மனதை ஒரேநிலையாக வைத்து மனப்பசியை வளர்க்க
வேண்டும் மனதில் கூட பசிக்குமா? ,,மனப்பசி என்பது இறைவனின் சான்னித்யம் பெறுவதே .
அதுவே ஒரே இலக்காக இருந்தால் வயிறு பசிக்காது வடநாட்டில் வசந்த நவராத்திரியின் போது
வெறும் தண்ணீர் மட்டும் குடித்து இரவில் ஒரு வாழைப்பழம் மட்டும் எடுத்து அமாவாசையிலிருந்து
நவமி வரை விரதம் இருப்பவர்கள் பலர் சிலர் பள்ளி ஆசிரியர்கள் நான் இதைப்பற்றிக் கேட்டபோது எங்களுக்குப் பசி தெரிவதில்லை என்று சொன்னார்கள்

விரதத்தின் போது சூரியோதயம் முன் எழுந்து பல்துலக்கி பின் குளித்தல் வேண்டும் இதுவே புண்ணிய நதிகளோ ஆறுகளோஇருந்து அதில் குளிக்க ஒரு புத்துணர்ச்சி ஏற்படும் மனம் நாமஜபத்தில் இருக்க , பூஜை செய்ய சங்கல்பம் செய்துக்கொள்ள வேண்டும்
விரத்த்தன்று பகலில் தூங்கவோ வேறு ரசாபாசங்களிலோ ஈடுபடக்கூடாது மனதைத்தத்தளிக்கச்செயுயும் விஷயங்களிலிருந்து தூர விலகுவது நல்லது ஆன்மீகப்புத்தகங்கள் படிக்கலாம் அல்லது ஈச்வர நாமாக்களை எழுதலாம் .இதனால் புறத்தூய்மை அகத்தூயமை கிடைக்கவும் எல்லா நிலைகளிலும் சமபாகமாக எண்ணும் சக்தியும் கிடைக்கிறது
விரதம் அனுசரிப்பதால் தானாகவே தியான நிலை வருகிறது எப்படி என்றால்
பிரசாதம் செய்கிறோம். மனம் முழுவதும் இந்த மோதகம் பிள்ளையாருக்கே என்ற எண்ணமும்
அது நன்றாக அமையவேண்டும் என்ற சிரத்தையும் அந்தச்சிரத்தையால் வரும் கவனமும் தான் . இதெல்லாம் ஒரு யோகம் தான், தியானம் தான் . கோயிலின் பிரசாதம் சுவைக்க இதுவும் ஒரு காரணம் என்று தொன்றுகிறது . விரதத்தினால் ஈகோ அழிந்து மனித நேயம் வளர்கிறது பணிவும் தொடர்கிறது


நம் உடல் ஒரு இயந்திரம் தான்.அது தொடர்ந்து வேலை செய்துக்கொண்டிருக்கிறது அந்த மசீனுக்கு ஒரு மாதத்தில் ஒரு நாளாவது ஓய்வு வேண்டாமா ?

ஆகையால் விரதம் என்பது நம் உடலுக்கும் உள்ளத்திற்கும் மிகவும் இன்றியமையாத ஒன்று .

முடிவிலாக்கீர்த்தி பெற்றாய்

இங்கிலாந்தில் ஒரு நாள். . காந்திஜிக்கு ஒரு விருந்துக்கு அழைப்பு வந்திருந்தது .அதை
தருபவர்கள் இந்திய சங்கத்தின் அங்கத்தினர்கள் .மாலை 6 மணிக்கு ஆரம்பம் ,
காந்திஜி நேரத்திற்கு முக்கியத்துவம் கொடுப்பார் ஆகையால் நேரம் தவறாமல்
குறிப்பிட்ட நேரத்துக்கு முன்பாகவே ஆஜராகிவிடுவார் .ஆனால் அன்று ஆறு மணி நெருங்கியும் இவர் வரவிலை . இது போல் ஒரு நாளும் நடந்தது இல்லையே என்று
குழம்பினார் சங்கத்தலைவர் . பலர் விருந்துக்குத்தேவையான ஏற்பாடுகளைச்செய்தபடி
இருந்தனர் ,
சங்கத்தலைவர் கிச்சனுக்குள் எல்லாம் எந்த அளவு தயாராகி இருக்கிறது என்று தெரிந்துக்கொள்ள போனார் அப்படியே அதிர்ந்துப்போய் நின்றார் .
அங்கு காந்திஜி அங்கு வேலைச்செய்த பலருடன் சேர்ந்து சமையல் வேலையை
கவனித்துக்கொண்டிருந்தார்
தலைவர் வேகமாக அவரை நெருங்கி 'என்ன பாபுஜி நீங்கள் இங்கேயா?
நீங்கள் அல்லவா சிறப்பு விருந்தினர் நீங்களே சமையல் வேலையைச்செய்யலாமா?
வாருங்கள் போகலாம் "

"சகோதரா நானோ சுத்த சைவம் இருக்கும் இடமோ இங்கலாந்து இங்கு சைவ உணவு
தயாரிப்பது கடினம் அதுவும் எனக்குத்தேவையான உணவு அவர்களுக்குத்தெரியாது
ஆகையால் நான் மாலை நாலு மணிக்கே இங்கு வந்து விட்டேன் இப்போது முடிந்து விட்டது ஆறுமணி விழாவுக்கு நான் ரெடி " என்றார்

அப்போதுதான் அங்கு வேலைப்பார்த்தவர்களுக்கு தங்களுடன் இருந்தவர் காந்திஜி
என்று தெரிய வந்தது அவரது எளிமையைப்பார்த்து வியந்து நின்றனர் அவர்கள் .

காந்திஜி எப்போதும் தன் பொக்கை வாயைக்காட்டியபடி இருப்பார்.அதாவது எப்போதும்
அவர் முகம் சிரித்த முகமாகவே இருக்கும் .மலர்ந்த முகம் என்றால் அவர் முகத்தைச்
சொல்லலாம்
ஒரு நாள் ஒருவர் அவரிடம் " பாபூஜி நாட்டில் இத்தனைப்பிரச்சனைகள் இருந்தும்
இத்தனைப்பொறுப்புக்கள் இருந்தும் உங்களால் எப்படி மலர்ந்த முகத்துடன் இருக்க
முடிகிறது தினமும் பல கவலைகள் சூழும்படி சந்தர்ப்பமும் அமைகிறது ஆனாலும்
எப்படி புன்னகையுடன் அமைதியாக இருக்கிறீர்கள்?

"இந்த மன அமைதியும் மகிழ்ச்சியான மனமும் தான் என்னைக்காப்பாற்றி வருகின்றன,
இவை இல்லாவிட்டால் நாட்டின் நிகழ்வுக்கும் எனக்குள்ள பொறுப்புக்கும் கவலைகளின்
மூட்டைக்கும் எப்போதோ என் வாழ்க்கை முடிந்திருக்கும்"

என்று பதிலுறைத்தார் . இதிலிருந்து ந்ம் எல்லோருக்கும் தெரிவது புன்னகை என்ற
மருந்து தான் உடல் நலத்துக்கு மிக முக்கியமான ஒன்று

மஹாத்மா காந்திஜியின் பிறந்த நாளில் அவரை நினைத்து வணங்குகிறேன்
"

தை தை தயாரே தையா

ஆகஸ்டு மாதம் வந்தாலே கேரளத்தில் ஓடங்கள் கப்பல்கள் எல்லாம்
பழுதுகள் சரியாக்கப்பட்டு , புதுசாக்கப்பட்டு ,வர்ணங்கள் பூசப்பட்டு
தயாராகி விடும். எதற்கு இந்த அலங்காரங்கள் என்றால் " வெள்ளம் களி"அதாவது
போட் ரேஸுக்குத்தான் ,ஓணம் வர இந்த ஓடப்போட்டியும் கூட வந்து அமர்க்களப்படும்.
இதைச் சுந்தன் வள்ளம்"என்றும் சொல்வார்கள்
ஏன் என்றால் இது பாம்பு போல் இருக்கும் .இதன் நீளம் சுமார் 60 மீட்டர்
இதில் சுமார் நூறு பேர்கள் துருப்புடன் ஓட்ட அமரலாம் .நடுவில் ஒரு சின்ன மேடை
உண்டு ,அதில் பாடுபவர்கள், வாத்தியம் கொட்டுபவர்கள் அமருவார்கள்,இந்தப்
பாடலுக்கு வஞ்சிப்பாட்டு எனப்பெயர் "செம்மீன் "படத்தில் மிக அழகாக
இந்தக்காட்சியைப் படம் பிடித்திருக்கிறார்கள்.
"தையரே தையா தையாரே தையா தை தை ,,,,தைதைதை ,,,என்று ரிதமுடன் பாட
அந்தக்காட்சி மிக அழகு ,இயற்கைச் சூழலில் இந்தக் காட்சியைக்காண பலர்
வெளியூர்களிலிருந்தும் வந்து களிப்பார்கள் .இதில் மிக முக்கியமான ரேஸ் "நேஹ்ரு டிராபி ரேஸ், இது ஆலப்புழாவில் புன்னமடை ஏரியில் நடக்கும் . ஆலப்புழா இந்தியாவின் வெனிஸ் என்று பெயர் வாங்கியுள்ளது

பண்டித் நேஹ்ருஜி ஒருமுறை இதைப் பார்க்க வந்து மனம் மகிழ்ந்து போனார்
{1952 ல் }
திரும்ப தில்லி போன பின் ஒரு வெள்ளி டிராபி பெரிய நீள பாம்பு போல
ஜயித்தவருக்கு அனுப்பிவைத்தார் அதிலிருந்து அவர் பெயரில் இந்த ஓடப் போட்டி
நடக்கிறது இது சுமார் மூன்று மணி நேரம் வரைச் செல்லும் ,டிக்க்ட் முதலிலேயே வாங்க
வேண்டும் ,ப்ல ஆயிரம் மக்கள் டூரிஸ்டுகள் கூடி இருப்பார்கள் இந்த ஓடப்போட்டி
"உத்திரட்டாதி வள்ளம் களி "என்றழைக்கப்பட்டு
ஆரன்முலா என்ற இடத்தில் கடைசியில் நடந்து நிறைவு பெறும் ,இந்தக்
கண்கொள்ளாக்காட்சியைக் காண ஆலப்புழா அவசியம் செல்ல வேண்டும்

நாரியல் பூர்ணிமா

நாரியல் பூர்ணிமா என்பது தான் மராட்டியி நாராலி பூர்ணிமா ஆனது
ஹிந்தியில் நாரியல் என்றால் தேங்காய் கேரளாவின் ஓணம் தமிழர்களின்
யக்ஞோபவீததாரணம் அதாவது ஆவணியாவட்டம்
அத்துடன் வடநாட்டின் ராக்கித்திருநாள் பின் கடற்கரையோரம் வசிக்கும்
மீனவர்களுக்கு இந்த நாரியல்
பூர்ணிமா எல்லாம் அநேகமாக ஒரே நாளில் வரும் அதாவது ஆவணி மாத
பௌர்ணமியில் ,,,,

மும்பய் தாதர் கடற்கரைப்பக்கமோ அல்லது சௌப்பாதி கடற்கரைபக்கமோ போனால் பல

வண்ணங்களில் படகைப்பார்க்கலாம் நாம் மாட்டுப்பொங்கலுக்கு கொம்புகளில் வர்ணம் அடிப்பது
போல் மீனவர்கள் படகுகளுக்கு வர்ணம் அடித்து அதற்கு மாலைகளால்
அலங்காரமும் செய்திருப்பார்கள்.
எல்லா படகுகளும் புது மாப்பிள்ளைப்போல் மிளிரும் வடக்கில் உள்ள அதுவும்
மேற்கு திசையில் இருக்கும் எல்லா மீனவர்களும் இதைக்கொண்டடுகின்றனர்
தமிழ் நாட்டு மீனவர்கள் இதைக்கொண்டாடுகிறார்களா எனத்தெரியவில்லை

மீனவர்களுக்கு கடலே கோயில் கடலரசனே தெய்வம் அவர்கள் வயிற்றை நிரப்புவது
அந்தக்கடல்தான்
கடலுக்குள் சென்று மீன் பிடித்தால்தான் ஜீவனம் அதுவும் மே மாதத்திலிருந்து சுமார் செப்டம்பர்
வரை கடும் மழை நீடித்திருக்கும். தென் மேற்குப்பருவமழையின் காரணமாக
மீனவர்கள் இந்த மாதங்களில் நித்ய கண்டம் பூரண ஆயுசு என்பதுபோல் மன உறுதியுடன்
மீன் பிடிக்கப்போயாக வேண்டும்

ஒவ்வொரு நாள் இயற்கையின் சீற்றத்தினால் போகாமலும் இருக்கும்
சந்தர்ப்பங்களும் வரும்
ஆகையால் இந்த ஆவணி மாதம் வர இனி கடும் மழை குறைந்து இனி தன் வியாபாரம்
நன்றாக அமைய மீனவர்கள் கடல் தெய்வத்தை வேண்டிக்கொண்டு தினமும் கடல் தங்கள்
வாழ்க்கைக்குப்படி அளப்பதால் அதற்கும் நன்றியை பூஜை செய்து தெரிவிப்பார்கள் அத்துடன் வருண பகவானுக்கும் பூஜை செய்வார்கள்

பிரசாதம் நாரியல் அதாவது தேங்காய் சமபந்தப்பட்டே இருக்கும் தேங்காய்
சாதம் தேங்காய் பர்பி என்று செய்து எல்லோருக்கும் வினியோகிப்பார்கள் தவிர பூஜை முடிந்தவுடன் மட்டைத்தேங்காயை கடலுக்கு சமர்ப்பிப்பார்கள் ஆஹா அருமையான காட்சி தான்
அப்படியே அலைகளில் இரண்டு தடவைகள் மேலும் கீழுமாக வந்து பின் அலை அதை
இழுத்துக்கொண்டுப்போய்விடும் ,ஒரு தேங்காயா இரண்டுத்தேங்காயா ! ஆயிரக்கணக்கில்
தேங்காய் எல்லாம் எங்கே போகும் ? இதேபோல் பிள்ளையார் சதுர்த்தி
முடிந்த பததாம் நாள் எல்லா மண் பிள்லையார்களும்
கடலில் விடப்படுவார்கள் இதே போல் பெங்காலிகள் துர்கைச்சிலைகளை நவராத்திரி முடிந்தவுடன்
கடலில் வீசிவிடுவார்கள் .இந்தச்சிலைகள் மண்ணால் செய்ததால் கரைந்து போய்விடலாம்
ஆனால் இத்தனை மட்டைத்தேங்காய் என்ன ஆகும் என்ற கேள்வி என்னுள் எழும் .
கடற்பிராணிகள் தேங்காயை முழுங்கி விடலாம்


இந்தத்திருநாளன்று மாலையில் பார்ட்டிதான் ,எல்லோரும் புதிய உடைகளுடன்
மின்னுவார்கள்.
ஆண்கள் கட்டம் போட்ட லுங்கிகளை உடுப்பார்கள் முன் பக்கம் முக்கோணம் போல்
இருக்கும்
மீனவப்பெண்மணிகளின் புடவைக்கட்டு மிகப்பிரமாதமாக இருக்கும். அத்துடன்
அவர்கள் தலைக்கொண்டையும் கொண்டையில் வேணி என்ற பூ அலங்காரமும் மிகவும்
அழகாக இருக்கும்
அந்த வேணியின் அருகில் மருதாணிபூக்கள் பெரியக்காம்புகளுடன்
சொருகப்பட்டிருக்கும்

ஒரு படத்தில் மாதுரி தீட்சித் மீனவப்பெண்மணியாக வருவார்.நெற்றியில்
கால் சந்திரன் போல் பச்சையில்
பொட்டு வைத்திருப்பார் .அவரைப்பார்த்தால் எனக்கு இந்தத்திருநாள் ஞாபகம்
வரும் அவர்கள் நடனமும் மிக வேகமாக இருக்கும் . உடலில் நிறைய சக்தி இருந்தால் தான் இந்த நடனத்தை ஆடமுடியும்

கடல் நீருக்கு என்றுமே நெகடிவ் என்ற வேண்டாத சக்தியை எடுக்கும் சக்தி
உண்டு உப்பு கலந்த நீராயிற்றே! ஆடி அமாவாசை தை அமாவாசைப்போன்ற
தினங்களில் சமுத்திர ஸ்னானம் செய்கிறார்கள்
அத்துடன் கிரகணம் விட்டப்பின்னும் ஸ்னானம் செய்கிறார்கள் இந்த நெகடிவ்
விஷயமும் சம்பந்தப்ப்ட்டத்தாக இருக்கலாமோ என்று எனக்குத் தோன்றுகிறது
திருஷ்டி சுற்றிப்போடுவதிலும் இந்தக்கல்லுப்பு முக்கியப்பங்கு
வகிக்கிறது

சரி இப்போது தேங்காய்க்கு வருவோம் மீனவர்கள் தேங்காயை ஏன் தேர்ந்தெடுக்க
வேண்டும்
தேங்காயை அனுபவிக்க முதலில் அதன் மட்டைகளைப்ப்பிய்க்க வேண்டும்.
பின் அதன் அழுத்தமான ஓட்டை உடைக்க வேண்டும் ,பின் தான் உள்ளே இருக்கும்
கனியைப்பெறமுடியும்
அதையும் அப்படியே தின்ன முடியாது .கீறல் போட்டோ அல்லது துருவியோ எடுக்க
வேண்டும்
மீனவர்கள் வாழ்க்கையும் காலையில் கடுமையான உழைப்பு இருக்க மாலையில்
தான் அதன் பலன் கிடடக்கிறது இதை வெளிப்படுத்துகிறதோ இந்தத் தேங்காய்
தேங்காய் நமக்கு வாழ்க்கை எடுத்த உத்தேசத்தைத்தெரிவிக்கிறது உள்ளே
இருக்கும் இனிப்பான கடவுளைக் காண முதலில் ஆன்மீகப்பாதையில் கடுமையான உழைப்பும் பல போராட்டங்களும் சந்திக்க வேண்டும்

மனம் தளராமால் அந்த ஓட்டை உடைத்து எறிய வேண்டும் பின் தெரிவார் அந்த
முக்கண்ணன் நமக்கு.
தேங்காயிலேயே மூன்று கண்கள் இருக்கின்றனவே !

மீனவர்களுக்கு என் வாழ்த்துகள்

வாலறுந்த அனுமான்

ராமேஸ்வரத்தில் மூன்று சிவலிங்கங்களைத் தொழ வேண்டும் அதிலும் அனுமார் ஸ்தாபித்த லிங்கங்களை
முதலில் தொழுதப்பின்னரே ஸ்ரீ ராமர் பிரதிஷ்டைச்செய்த ராமேஸ்வர லிங்கத்தைத்தரிசனம் செய்ய
வேண்டும் அனுமார் கொண்டு வந்த லிங்கங்கள் இரண்டு .
அனுமாருக்கு யார் இரண்டு லிங்கங்களைக்கொடுத்தார் ? அவருக்கு எப்படி இது கிடைத்தது ?
ஸ்ரீராமர் கடலைக்கடக்க பாலம் அமைக்கும் முன் விக்னமில்லாமல் இருக்க ஒரு கணபதியை
உருவாக்கி கூடவே நவகிரஹங்களும் அமைத்து பூஜை செய்தார் அத்துடன் ஒரு சிவலிங்கத்தையும்
அங்குத் தன பெயரில் பிரதிஷ்டைச்செய்ய அனுமனைக் காசிக்கு அனுப்பி ஒர் லிங்கம் பெற்று வர
நினைத்தார் அனுமனை அழைத்தார்
"
"அனுமன் வேகமாக்ச் சென்று சங்கர பகவானிடம் ஒரு சிவலிங்கம் பெற்று ஒரு முகூர்த்த நேரத்திற்குள்
வந்துவிடு " என்றார்

என்ன ! என்னைப்பார்த்து ஒரு முகூர்த்த நேரத்துக்குள் வந்துவிடு என்கிறாரே ஸ்ரீராமர் இது எனக்குத்தெரியாதா? என்று ஒரு எண்ணம் அவருக்கு வந்ததாம் .
ஒரு நொடிப்பொழுதில் காசிக்குப்போய்விட்டார் அங்கு சிவபெருமானிடம் நடந்ததைச்சொல்லி
சிவலிங்கம் கேட்டார்.
சிவபெருமானும் "வாயு குமரா நானும் தெற்குப்பக்கம் செல்லவேண்டும் ஏனென்றால் அகஸ்தியர்
விந்தியமலையைத் தாழ்த்த இங்கிருந்து சென்று விட்டார் அவருக்கு என்னைப்பிரிந்த துக்கம்
தாங்கமுடியவில்லை நான் அவரைப்பார்க்கப்போகிறேன் இந்தா இரண்டு சிவலிங்கங்கள்.
ஒன்று ஸ்ரீராமருக்கும் மற்றொன்று என் பெயரிலும் ஸ்தாபிக்கப்படட்டும் " என்றவாறே
இரண்டு லிங்கங்களை அனுமனிடம் கொடுத்தார்.
ஒரு லிங்கத்திற்குப்பதில் இரண்டு லிங்கம் அதுவும் சிவபெருமானிடமிருந்து எனநினைக்கும்
போதெல்லாம் சிறிய கர்வம் தலைத்தூக்கியது ,

எல்லாம் அறியும் ஸ்ரீராமருக்கு அனுமாருக்குத்தோன்றிய இந்தக்கர்வத்தை முளையிலேயே
கிள்ளி எறிய திட்டம் கொண்டார்
முகூர்த்த நேரம் நெருங்க அனுமனைக்காணாமல் ஸ்ரீ ராமர் ரிஷிகளின் உத்தரவின் படி
தானே மணலைச்சேர்த்து ஒரு சிவலிங்கம் ஆக்கினார் அதைச்ஸதாபித்தார்,
பின்னர் கௌஸ்துமணியை நினைக்க அதுவும்வந்து சேர்ந்தது .அதை வைத்துக்கொண்டு பசுமாடுகள்
ஆடைகள் குதிரைகள் ஆபரணங்கள் எல்லாம் வரவழைத்தார் .இதை வைத்து ரிஷிகளை
உபசரித்தார் .எல்லோருக்கும் ராஜோபசர்ரம் தான் எல்லா ரிஷிகளும் திருப்தியுடன் வீடு திரும்பினர்.
வழியில் வேகவேகமாக அனுமன் வந்தார் ,
வரும் பெரியோர்களுக்கு வண்க்கம் தெரிவித்தப் பின் "மதிப்புக்குரிய பெரியோர்களே
நீங்கள் எங்கிருந்து வருகிறீர்கள்?' என்று வினவினார்
அவர்களும் ஸ்ரீராமபிரான் சிவலிஙகப்பிரதிஷ்டை நடத்தி தங்களை உபசரித்ததையும் சொன்னார்கள்,

அனுமாருக்கு கோபம் வந்தது இந்த் ஸ்ரீராமர் என்னை ஏன் இது போல் அலைக்கழிக்க வேண்டும்
என்று நேராகவே அவரிட்ன் சென்றார்.
அவர் முகம் வாடி இருந்ததைப்பார்த்த ராமர் "ஏன் அனுமனே முகம்
வாடி இருக்கிறது?" என்று கேட்டார்

"சுவாமி நான் இலங்கைச்சென்று சீதாப்பிராட்டியைப்பார்த்து வந்ததற்கு
இது தான் பரிசா?காசிக்குப்போய் சிவலிங்கம் கொண்டுவரசொல்லிப்பின்
வருவதற்குள் நீங்கள் ஒரு லிங்கத்தைப்பிரதிஷ்டைச்செய்துவிட்டீர்களே!
என்னை ஏளனப்படுத்திவிட்டீர்களே !

கருணை மிக்க ராமன் புன்னைகைப்புரிந்தார் பின் தொடர்ந்தார்
"என் அருமை வாயு மைந்தனே நடந்தது நடந்துவிட்டது பரவாயில்லை
நான் பிடித்த இந்த மணல் லிங்கத்தை அகற்றி அதில் நீ கொண்டு வந்த
லிங்கங்களை வைத்து ஸ்தாபித்துவிடுகிறேன் ,"

அனுமனின் முகத்தில் மகிழ்ச்சி ,

"இதோ இப்பொழுதே அதை எடுத்துவிடுகிறேன் என்று அந்த மணல்
லிங்கத்தைப்பிடித்திழுக்க அது அசைந்துக்கொடுக்கவேயில்லை .
பின் தன் வாலில் அதைச்சுற்றி இழுக்க அந்த லிங்கம் அசையாமல் நின்றது
தன் வாலில் இன்னும் வேகம் செலுத்தி இழுக்க வால் அறுந்துப்போய்
சோர்ந்துப்போய் கீழே விழுந்தார் .மூர்ச்சையானார் ,
அங்குக்கூடியிருந்த வானரர்கள் சிரித்தார்கள் இத்தனை வீரம் பொருந்திய
அனுமானுக்கா இந்த நிலை?
அனுமன் மெள்ள க்ண் விழித்தார் அவர் கொண்டிருந்த கர்வம் போயிருந்தது,
தன் தவறை உணர்ந்தார் ,இராமனின் பாதாரவிந்தங்களில் விழுந்தார்
தம்மை மன்னிக்கும்படி பிரார்த்தித்தார் ,
ஸ்ரீ ராமன் தான் சரணாகத வதசலன் ஆயிற்றே. தன் ஆப்த நண்பன் பக்தன்
அனுமானிடம் தோன்றிய கர்வத்தை முளையிலேயே கிள்ளி எறிய ஆசைக்கொண்டுதான் இப்படி ஒரு நாடகம் நடத்தினார் ,

ஆனால் அவர் அனுமார் கொண்டு வந்த இரண்டு லிங்கங்களையும் ஸதாபித்து பின் சொன்னார் " ராமேஸ்வரம் போன முழு பலன் வேண்டுமானால் இந்த இரண்டு காசிவிஸ்வ்நாத லிங்கங்களைத் தரிசித்தப்பின்னர்தான் நான் பிரதிஷ்டைச்செய்த ரமேஸ்வர லிங்கத்தை
பூஜைசெய்ய வேண்டும் அனுமானும் வாலருந்த நிலையிலேயே பாதங்கள்
மறைந்தபடியே காட்சித்தந்து அருள் புரிவார் "
அதே போல் தான் இன்றும் மக்கள் முதலில் அனுமன் கொண்டுவந்த
லிங்கங்களைப்பிரார்தித்து பின் மணலால் பிடித்த லிங்கத்தைக்காண வருகிறார்கள்,

இது ஆனந்த இராமயணத்தில் இருக்கிறது





.