பெண் என்பவள் ஒரு கரும்பு

பிறவியிலேயே பார்வை இழந்தவர் பெரிய கவிஞராகி புகழ் பெற்றார் அவர் முதுகில் தமிழ் எழுதச் சொல்லிக் கற்றுக் கொண்டவர் என்று கேட்கும் போது நான் கண்ணிருந்தும் இன்னும் நிறைய சாதித்திருக்கலாமே என்று தோன்றுகிறது
இவர் பலர் படிப்பதைக்கேட்டு மனப் பாடம் செய்து ஒப்பிப்பார் பல மணி நேரங்கள் கவிதைச் செய்து பழகி பின் பெரிய கவிஞர் ஆகிவிட்டார் இவரை
"அந்தகக் கவி " என்று எலோரும் போற்றினர் ,இவர் தான் திரு வீர ராகவர் ,

இவர் ஒரு சமயம் ஒரு நூல் எழுதினார் இக்காலம் போல் அத்தனை எளிதாக
அதற்கு ஒப்புதல் கிடைப்பது அந்தக்காலத்தில் இல்லாத ஒன்று ,முதலில்
சபைக் கூட்ட வேண்டும் பின் நூலை அறிமுகப் படுத்த வேண்டும் சபையில்
இருப்பவர் அதை அலசுவர் ,அதில் இருக்கும் நல்லது ,அல்லது கெட்டதை வெளிப்படையாகக் கூறுவர் பொருட்குற்றம் சொற்குற்றம் இருப்பின் அதை
அரங்கத்தில் அம்பலப்படுத்துவர் , இவர் எழுதிய நூலில் ஒரு பெண்ணைப்
பற்றி சித்தரித்திருந்தது அதாவது பெண் என்பவள் "கரும்பு" என்றார்
அதாவது அத்தனை இனிப்பானவள் சுவையானவள் இனிமையானவள்,,,,,,,,,,

அத்துடன் கருமபு விளையும் இடத்தையும் வர்ணித்தார்

ஏரியிலிருந்து பால் பாய ,தேன் மழைப்பொழிய,,வயலுக்கு எருவாக பாகும்
கற்கண்டும் சேர முப்பழங்கள் சேராக அமைந்தன அந்த வயலில் விளைந்த
கரும்பு தான் பெண்,,,

"பாலேரி பாயச்செந்தேன் மாரி பெய்யநற் பாகு நற்கண்
டாலே எருவிட முப்பழச் சேற்றின் அமுத வயல்
மேலே முளைத்த கரும்போ ,,,,,,,,,

என அமைந்திருந்தன சபையில் இதை அவரது மாணவன் படித்துக் காட்டினான்
எல்லோரும் கரகோஷம் செய்தனர் ஆனால் ஒரு பெண்மணி "இந்தக் கவிதையில் கருத்து கெட்டிருக்கிறது ,,கவிஞருக்கு கண்தான் கெட்டிருக்கிறது என நினைத்தேன் ஆனால் கருத்தும் ,,,,என்று இழுத்தார் அவர் சொன்னது
கவிஞருக்கு உடனே புரிந்து விட்டது தன் பிழையை உணர்ந்தார் பின் தன்
மாணவனிடம் " சீடா கொம்பை வெட்டிக் காலை நடு " என்றார் மாணவனும் குருவுக்கு மிஞ்சிய சிஷ்யன் ,,உடனே "கப்பென்று"பிடித்துக் கொண்டான்
பாடலை மாற்றி படித்தான் "முப்பழச் சாற்றின் அமுத வயல் மேலே
முளைத்த கரும்போ" ,,

அந்த பெண்மணி கூறினார் "மூன்று பழங்களைப்பிழிந்தால் அது பழ்ச் சாறு
ஆகத்தான் இருக்கும் எப்படி சேறாக முடியும் ?

கவிஞர் இதைப்புரிந்துக் கொண்டு ,தன் மாணவனிடம் "கொம்பை வெட்டி காலை
நடு என்றார்,அவனும் கொம்பு கால் எது என்று கேட்க்காமல் "சேறு என்பதில் உள்ள கொம்பை நிக்கினான் "ச்" எழுத்தின் பக்கத்தில் ஒரு காலை எழுதினான்
அது "சா"ஆனது பின் என்ன எல்லோரும் அவரது கவி நயம் கண்டு
வியந்தனர் அந்த நூலும் மிகச் சிறப்பாக அரங்கேறியது

சிற்றிலக்கியங்கள் 2 பாகம்

சிற்றிலக்கியத்தில் "பிள்ளைத் தமிழ்" என்பது ஒரு தெய்வத்தையோ அல்லது
சிறந்தத் தலைவரையோ ,ஒரு அரசனையோ வைத்து அவர்களின் சிறு பிரயாத்தினை வைத்துப் பாடல்கள் புனைவது .
அந்தப் பிள்ளைப் பருவக்காலப் பகுதியைப் பத்துப்பருவங்களாகப்
பிரித்து பருவத்துக்கு பத்து ஆசிரிய
விருத்தங்களாக இயற்றி பாடுவர் பிள்ளைத் தமிழ் என்றாலே கண்ணனின் பலவிதமான நம்மைக் கிறங்க வைக்கும்
செயல்கள் நம் கண் முன் வருகின்றன.
பெரியாழவார், மிக அழகாக்ப் பாடி இருக்கிறார். குலோத்துங்கரும் ஒட்டக்கூத்தரும்
மிக அருமையாகப் பிள்ளைத்தமிழ் இயற்றி இருக்கின்றனர் . ஸ்ரீகுமரகுருபரரின் மினட்சி அம்மைப் பிள்ளைத் தமிழும்,
மகாவித்துவான் ஸ்ரீ மீனாட்சிசுந்தரம் பிள்ளை அவர்களின்
சேக்கிழார் பிள்ளைத்தமிழும் சிறந்து விளங்குகின்றன .
பகழிக்கூத்தரின் திருச்செந்தூர் முருகன் பிள்ளைத்த்மிழும்,மிகச் சிறப்பாக அமைந்துள்ளன .
,

நாம் கதம்பத்தைப் பார்த்திருக்கிறோம் அதில் பலவகைப் பூக்கள் சேர்ந்து
கட்டப்பட்டிருக்கும் ,அதேபோல் பலவகைப் பாக்களைக் கொண்டுச் செய்யப்
படும் இலக்கியம் கலம்பகம் ,,,,,
இதற்கு 18 உறுப்புக்கள் உண்டு இதில் அகப்பொருளும் புறப்பொருளும் தன்னுள்ளே கொண்டிருக்கும் .தமிழில் எழுதிய முதல் கலம்பகம்
"நந்திக்க்லம்பகம்"அதன் பின் வந்தக் கலம்ப்கம் "காசிக் கலம்பகம் .
இதைக்குமரகுருபரர் இயற்றினார்."தில்லைக்கலம்பகத்தை "இரட்டைப்புலவர்கள்
பாடினார்கள் . சிவப்பிரகாசர்"திருவெங்கைக் கலம்பகம் பாடினார்
பிள்ளைப்பெருமாள் அய்யங்கார் "திருவரங்கக் கலம்பகம் பாடி இருக்கிறார்.


"பரணி " என்பது சிற்றிலக்கிய வகையில் ஒன்று .அரசன் போருக்குப் போகுமுன்
வீரத்தை வழங்கும் காளி பவானி போன்ற தெய்வத்தைப் பூஜித்து ,பின் போர்க்களம் சென்று
அங்கு கூழ் ஊற்றி பின் மகிழ்வான் அவனது வெற்றியைக் குறித்து பாடுவது "பரணி"
பாடல்கள் கலிங்கப் போரில் குலோத்துங்கன் வெற்றி பெற்றான்
அதுவே "கலிங்கத்துப் பரணி "ஆனது ,இதைப் பாடியவர் திருசெயம்கொண்டார்,


அடுத்து வருகிறது "பள்ளு" ,,,,,,,உழவர்கள் பள்ளமான வயல் வெளிகளில் ஏர்
பூட்டி உழவார்கள் இந்த உழவர்களையும் உழவுத்தொழிலையும் குறிக்கும்
பாடல்கள் "பள்ளு " என்பதாகும்
குறிச்சொல்லும் குறத்திகளின் பாடல்கள் குறவ்ஞ்சி என்பதாகும்
முக்கூடத்து பள்ளும் "குற்றாலக் குறவஞ்சியும் " எல்லோருக்கும் தெரிந்த்வை
சில நாட்டியங்களில் இந்தக் குறத்தியின் பாடல்கள் நடனத்தில் சேர்ப்பார்கள்
"வஞ்சி வந்தனளே மலைக்குறவஞ்சி வந்தனளே" என்று அந்தக் காலத்தில்
குமாரி கமலா அவர்கள் ஆடியது இன்னும் என் கண் முன்னே நிற்கிறது

சிற்றிலக்கியங்கள் முதல் பாகம்

இலக்கியங்கள் பண்டைக்காலத்திலிருந்தே பல தோன்றி நமக்கு பொக்கிஷமாக
இன்றும் தனிச் சிறப்புடன் விளங்கி வருகிறது திணைவகை இலக்கியம் நீதி இலக்கியம் ,பக்தி இலக்கியம் என்று
பல சொல்லலாம். சோழர் காலத்தில் காப்பிய இலக்கியம் மிகச்சிறப்பும் செல்வாக்கும் பெற்றது
சிற்றிலக்கியத்தில் ஆற்றுப்படை பிள்ளைத் தமிழ் , பரணி பள்ளு கலம்பகம்
என்று பல உயிர்ப் பெற்றன தமிழில் சுமார் ஒரு நூறு சிற்றிலக்கியங்கள் இருக்கலாம் என்று தோன்றுகிறது

திணைவகை இலக்கியத்தில் அகத்திணை புறத்திணை என இரண்டு ,,,,
நீதி இலக்கியத்தில் திருக்குறள் நல்வழி ,நீதிநெறிவிளக்கம் போன்றவை
பக்தி இலக்கியம் ,,தேவாரம் திருவாசகம் திவயப்பிரபந்தம் போன்றவை
அந்தாதி ,,அபிராமி அந்தாதி
காப்பியம் ,,,,,,,.. சீவக சிந்தாமணி சிலப்பதிகாரம் மணிமேகலை வளையாபதி
குண்டலகேசி

ஆற்றுப்படை சிறுபாணாற்றுப்படை திருமுருகாற்றுப்படை ,,,

சிற்றிலக்கியங்களில் பதிகம் என்பது ஒருவரைக் குறித்து பத்துச் செய்யுள்
பாடுவது ,சதகம் என்பது நூறு செய்யுள் கொண்டது அந்தாதி என்பது அந்தத்தையே திரும்ப ஆதியாகக்கொண்டு புனைவது ஒரு செயுயுளின்
இறுதி எழுத்தோ அல்லது சொல்லோ அடியோ சீரோ அடுத்து வரும் அடியில்
முதலாக வந்து செய்யுள் தொடரும் .இதிலேயே நூறு வெண்பாக்கள் பாடுவது
அந்தாதி இலக்கியம் இதுப்போல் பேயாழ்வார் .பொய்கையாழ்வார் ,
பூதத்தாழ்வார் பாடி இருக்கின்றனர் .

ஒரு அரசன் அல்லது தலைவன் ,இறைவன் வீதியில் உலா வரும் போது
அவனைப் பார்த்து மனம் பறிக்கொடுத்து காதல் கொள்வர் சிலப்பெண்கள்.
அவன் சென்றப்பின் அவனையே நினைத்து ஏக்கத்துடன் வேதனையுடன் அமைக்கும் செய்யுள் "உலாபிரபந்தம் "இதில் எல்லா வயது பெண்மணிகளும்
உணர்ச்சிகளைக் கொட்டி உலா செய்யுள் பாடுவார்களாம் சில நாட்டிய
பதங்களிலும் இதுப்போல் நாயகனைப் பார்க்கத் துடிக்கும் நாயகி காதல்ரசம்
கொண்டு பாடிய பாட்டுக்கள் பல உண்டு வடநாட்டில் இருக்கும் ராஸலீலா
கீதகோவிந்தம் போல பாடலகள் இது போல் உள்ளன ,முதல் உலா இலக்கியம் பாடியவர் சேரமான் பெருமாள் நாயனார் ,அவர் எழுதிய நூலின் பெயர் "ஞான உலா " உலாவில் வந்தத்தலைவர் சிவபெருமான் . அதன் பின் ஒட்டக்கூத்தர் பாடிய மூவருலா மிகவும் சிறப்புப் பெற்றது

வாடகை இல்லா வீடு

இல்லறக் கூடலில்
கிடைப்பது ஒரு வீடு
பத்து மாதத்திற்கு .
அதுவும் ஒரு குழந்தைக்கு
காலந்தொட்டு வரும் இதற்கு
சொந்தக்காரி ஒரு தாயே ,
உணவு அளிபதும் அவளே
கட்ட்டிக்காப்பதும் அவளே
உயிர்ப் பணயம் வைக்கிறாள்,
கண் இமைப்போல் காக்கிறாள்
பட்டம் கிடைப்பது தாயமை ,
உயர் பதவிதான் "பெண்மை "

வாடகை இலா வீடு

இல்லறக் கூடலில்
கிடைப்பது ஒரு வீடு
பத்து மாதத்திற்கு .
அதுவும் ஒரு குழந்தைக்கு
காலந்தொட்டு வரும் இதற்கு
சொந்தக்காரி ஒரு தாயே ,
உணவு அளிபதும் அவளே
கட்ட்டிக்காப்பதும் அவளே
உயிர்ப் பணயம் வைக்கிறாள்,
கண் இமைப்போல் காக்கிறாள்
பட்டம் கிடைப்பது தாயமை ,
உயர் பதவிதான் "பெண்மை "

அன்புடன் விசாலம்

ஒன்றும் மாறவில்லை

முப்பது வருடங்களுக்குப் பின்
திரும்ப கிராமம் வந்தேன் ,
என் பாட்டி வளர்ந்த இடம் ,
என் அத்தை பிறந்த இடம் ,
கும்பகோணம் அருகில் "கச்சனம் "
குதி போட்டது என் மனம் ,
நுழைய நுழைய இனம் புரியாத மகிழ்ச்சி
பார்க்க பார்க்க ஒரு இன்பக் கிளர்ச்சி ,

அதே கிராமம் அதே சூழல் ,ஒன்றும் மாறவில்லை ,,,,,

மாறாத பஸ் ஸ்டாப்
கல்லும் மண்ணுடன் ,
வெளியே வந்தேன்
கசக்கிய கண்களுடன்.
முறுக்கு விற்ற அந்தச் சிறுவன் ,
ஆத்தா இட்டப் பெயரோ முருகன்
இன்று அவர் தொந்திப் போட்ட முதலாளி ,
ஆனால் இன்றும் வறுமைக்குக் காவலாளி
பெரிய ஆலமரத்தடி மேடை ,
அடிக்கும் சாராய வாடை ,
கத்தியைத் தீட்டுகிறான் ஒருவன்
முகம் காட்டுகிறான் ஒருவன்
சவரம் நடக்கும் காட்சி இங்கே ,
கிராமத்தின் சலூனும் இங்கே !

அதே கிராமம் அதே சூழல் ஒன்றும் மாறவில்லை ,

சரித்திரப்புகழ் பெற்ற கோயில் .
கேட்பாறற்று இருந்த வாயில் ,
பாசிப் படர்ந்த அல்லிக்குளம்
சேற்றிலும் மலரும் அல்லி தளம்
கோயிலுள் நுழைந்தேன் ,,,,,
குருக்களின் கடைக்குட்டிப் பையன்
சுப்பிரமண்ய குருக்கள் ஆனான்,
கற்பூரம் ஒளிர்ந்தது
பத்து ரூபாய் விழுந்தது
அவன் மனம் வியந்தது

அதே கிராமம் அதே சூழல் ,ஒன்றும் மாறவில்லை

அழுக்கு சினிமாக் கொட்டகை முன்
சூப்பர்ஸ்டாரின் விசிறிகள்
வெற்றிலைத் துப்பிய சிவப்பு கறைகள்
மூத்திர வாடை அடிக்கும் சுவறுகள்
கோடியில் கட்சித்தொண்டர்கள்
எதிரில் கொடி பிடிக்கும் எதிரிகள்
தெருக்கோடியில் சில மாமிகள்
அலசும் வீட்டுப் பிரச்சனைகள் ,
நடுத்தெருவில் ஒரு கிரிக்கெட் மாட்ச்,
அதிலும் ஒரு குட்டிச் சண்டை
கம்பத்தில் தொங்கிய தபால் பெட்டி ,
அதனருகே குழந்தைகளின் லூட்டி
பகலிலும் சாலை ஓரம்
போதையில் தூங்கும் கோரம்

அதே கிராமம் அதே சூழல் ஒன்றும் மாறவில்லை


ஆனாலும் அங்கு ஒரு நிம்மதி
கிடைத்தது எனக்கொரு அமைதி ,
சாணம் பூசிய சதுரங்கள்,
அதில் அழகிய கோலங்கள் ,
அனுபவித்தேன் இயற்கையின் சூழல்
கொடுத்தது எனக்கு இன்ப நிழல்
திண்ணையில் அமரும் பெரியவர் ,
சத்சங்கம் நடத்தும் தலைவர் ,
மரங்களில் கொஞ்சும் பறவைகள்,
சல சல வென்று ஓடும் ஆறுகள்
முன்நேரம் ஒலிக்கும் கோயில் மணி
காலை நாலுக்கே தொடங்கும் பணி
இதைத் தவிர வேறு என்ன வேண்டும் ?
இயறகை ரசிக்கும் மனம் வேண்டும்

அதே கிராமம் அதே சூழல் ஒன்றும் மாறவில்லை


அன்புடன் விசாலம்

எமது பாரதம்

அன்புள்ள குழந்தைகளே நாம் வாழுவது மிகப் பெருமை மிக்க இந்திய நாட்டில் ,,,,,,எத்தனை யோகிகள் ,அறிஞர்கள், மஹா கவிஞர்கள் , கணித மேதைகள்
சித்தர்கள் தேசபக்த தலைவர்கள் வாழ்ந்திருக்கின்றனர் எத்தனை மகிமை நிறைந்த
கோயில்கள் ,,,,நாம் நம் நாட்டின் பெருமையை நிலை நாட்ட வேண்டும் குழந்தைளும்
பல வீரதீரச் செயல்களைச்செய்து அன்புடனும் மரியதையுடனும் ப்ண்புடனும்
பழகவேண்டும் நம் பாரதத்தின் சிறப்பைப் பாருங்கள் பாடி மகிழுங்கள் கோலாட்டம்
கும்மி என்று இதற்கு ராகம் அமைத்து ஆடலாம்

எமது பாரதம்

இமயம் முதல் குமரி வரை எங்கள் பாரதம்
எங்கும் புகழ் தங்கும் வளம் பொங்கும் பாரதம்
அறிஞர்களும் அவனியிலே பிறந்த பாரதம்
அருந்துணைவர் காந்திதனை அளித்த பாரதம்

முப்புறமும் கடல் சூழ விளங்கும் பாரதம்
முடியெனவே மலையணிந்த வடிவம் பாரதம்,
அங்கும் இங்கும் ஆன்மீகஒளி வீசும் பாரதம்
ஸ்ரீராமகிருஷ்ணர் ,விவேகானந்தர் உதித்த பாரதம்

வள்ளுவரும் இளங்கோவும் ஒளிர்ந்த பாரதம்
சித்தர் பல அவனியில் வந்தருளும் பாரதம் ,
மூவேந்தர்கள் சிறப்பித்த பழைய பாரதம் ,
கண்ணனுடன் கலந்த மீரா வாழ்ந்த பாரதம் ,

உலகம் போற்றும் "திருக்குறள்" உதித்த பாரதம்
தமிழுக்கு ஒரு ஔவைப்பாட்டி வந்த பாரதம்
கட்டப்பொம்மன் ,வ.உ சியின் .வீரம் பார்த்த பாரதம்
"பகத்சிங்" நாட்டிற்கே உயிரைக்கொடுத்த பாரதம் .

"புரட்சிக்கவி பாரதி" வீர முழக்கமிட்ட பாரதம் ,
பூஜ்ஜியத்தின் தத்துவத்தைக் கண்டுபிடித்த பாரதம்
நான்மறைகள் தோன்றி வளமுற வைக்கும் பாரதம்
அர்சுனனுக்கு உபதேசித்த, கீதைப்பிறந்த பாரதம்

வீரத்தின் பிறப்பிடம் ராணி ஜான்சி தோன்றிய பாரதம்
சிலம்புடன் நியாயம் கேட்ட கண்ணகி பிறந்த பாரதம்
சிம்மகர்ஜனையாம் வீரசிவாஜி பிறந்த பாரதம்
இராமயண மஹாபாரத காப்பியம் தோன்றிய பாரதம்

மூவிசை மன்னர்கள் இசையால் முக்தி அடைந்த பாரதம்
திருப்பாவை திருவாசகம் நம்மிடம் மலர்ந்த பாரதம்
பார் புகழும் பாரதம் எங்கள் பாரதம்
பாடிப்பாடி போற்றுவோம் எங்கள் பாரதம் ,,

அன்புடன் விசாலம்