வினாயகருக்கு இலைகள் ஏன்?{மழலையில் வந்தது

அன்பு குழந்தைகளே வினாயக சதுர்த்தியின் போது உங்கள் அப்பா பிள்ளையாருக்குப்
பூஜை செய்வதைப் பார்த்திருப்பீர்கள் ,பூக்களுடன் எல்லா விதமான இலைகளும் போட்டு அர்ச்சனைச் செய்வார் வேறு பூஜையின் போது சேர்க்காத எருக்கன் இலை நொச்சி இலை
இந்தப்பூஜையில் சேர்ப்பார்கள் இது எதனால் என்று பார்ப்போமா?

ஒரு நாள் ஒரு மனிதன் தன் கிராமத்திற்குப் போகக் கிளம்பினான் அப்போது இருண்டு மழை
வரும் போல் இருந்தது ஆகையால் குறுக்கு வழிப்பாதையால் போனால் வெகு சீக்கரம் போய் விடலாம் என்று ஒரு காட்டு வழிப் பாதையில் நுழைந்தான் பாதிதூரம் சென்றிருப்பான்
அப்போது தான் ஒரு புலியைக் கண்டான் அத்னிடமிருந்து தப்பிக்க தலைத்தெரிக்க ஓடினான்
புலி அவனைத் துரத்த ஆரம்பித்தது உடனே அங்கு ஒரு மரம் இருந்தது அதன் கீழே ஒரு பெரிய பிள்ளையார் அமர்ந்திருந்தார் இந்த மனிதன் உயிர் தப்ப பிள்ளையார் சிலை மேல்
கால் வைத்து ஏறி மரத்தின் மேல் பதுங்கிக் கொண்டான் புலியும் சிறிது நேரம் பார்த்து
விட்டுச்சென்று விட்டது இரவைக்கழிக்க அவன் அங்கேயே இருந்தான் ஆனால் கணபதியின்
மேல் கால் வைத்து ஏறியதற்கு மிகவும் வருந்தினான் அன்று சதுர்த்தி தினம் அவன் மேலே
இருந்த இலைகளையும் அருகில் படர்ந்திருந்த எருக்கம் செடியின் இலைகளும் அதன் காய் பூக்கள் என்று பிய்த்துப் பிள்ளையார் மேல் அர்ச்சனைச் செய்வது போல் கணபதியின்
நாமாக்கள் சொல்லி கீழே போட்டுக்கொண்டிருந்தான் அவனது பூஜா பலன் புலி
அவனைக் கொல்லாமல் போய்விட்டது பின் வினாயகர் அவன் முன் தோன்றி இன்றையதினம் அதாவது சதுர்த்தியில் இந்த ஒதுக்கப்பட்ட இலைகளை எனக்கு சம்ர்ப்பித்து
பூஜை செய்தால் நான் அதை ஏற்றுக்கொண்டு பலன் கொடுப்பேன் என்று அருள் வழங்கினார் இதனால் தான் பலவித இலைகளினால் அர்ச்சனைச் செய்கிறோம்

பிள்ளையார் எப்படிக் கூப்பிட்டாலும் வந்து விடுவார் மஞ்சளைப் பிடித்து வைக்கலாம் சந்தனம்
சர்க்கரை பசுஞ்சாணம் என்று எல்லாவற்றையும் கூர்மையாகப் பிடித்து வைத்தாலே அவர்
ஆஜராகி விடுகிறார் எத்தனை விதம் கணபதி ! கருங்கல் சலவைக்கல் பளிங்குக்கல் வெள்ளை ,எருக்கு வேர் ,பஞ்சலோகம் வெள்ளி தங்கம் ,தந்தம் முத்து ,பவழம் மண்
சிப்பி என்று பலவித கணபதி உண்டு மும்பயில் தேங்காயிலே பிள்ளையார் செய்கிறார்கள்
நீங்களும் மண்ணில் பிள்ளையார் செய்து பூஜைக்கு உங்கள் அப்பாவுக்குத் தாருங்கள்
செய்வது மிக எளிது செய்துப்பாருங்கள்

அன்புடன் அம்மம்மா

மஹாளய தினங்கள்

நம் நாட்டுக் கலாசாரம் என்று வருகையில் மாஹாளய தினங்கள்
பற்றி எல்லோரும் தெரிந்துக் கொள்ள வேண்டும் இல்லையா? அதைப்பற்றித்தான் இப்போது
சொல்லப்போகிறேன் ,பிறப்பு என்றால் கூடவே இறப்பு என்ற சொல்லும் வந்துவிடும் இறப்பு
என்பது இல்லை என்றால் இந்தப் பூமியின் பாரம் மிக அதிகமாகி அதனால் பல பக்கவிளைவு
தான் உண்டாகும் இறந்துப்போனவர்களை நாம் பித்ருக்கள் என்று சொல்கிறோம் இந்த மூதாதையர்கள் மாதப்பிறப்பு ,அமாவாசை, மஹாளயதினங்கள் போன்ற நாட்களில் பூலோகத்திற்கு சூக்ஷ்ம ரூபத்தில் வருகிறார்கள் ,அவர்களை நாம் பார்க்க முடியாது ,ஆனால்
அவர்கள் நம்மைப் பார்த்து மகிழ்ந்து நாம் தானம் செய்வதைப் பெற்றுக்கொண்டு நல்லாசிகள்
வழ்ங்குவார்கள்.நம் குடும்பத்தை மனதார ஆசீர்வதிபார்கள்.
உங்களில் சிலர் உங்கள் அப்பாவோ அல்லது தாத்தாவோ வாத்தியார் முன்னிலையில்
அமர்ந்துத் தர்ப்பணம் செய்வதைப் பார்த்திருப்பீர்கள் அவர்கள் முக்கியமாக வைத்துக்கொள்வது
கறுப்பு எள்,தர்ப்பை ,அரிசி{மஞ்சள் கலக்காத அக்ஷ்தை} வெற்றிலை ,பாக்கு .தண்ணீர் ,,,,,,,
பஞ்சாத்திரம் உத்த்ரணி ,,,
நம் வாழ்க்கையில் தெய்வத்தின் அனுக்கிரஹம் எத்தனைத் தேவையோ அத்தனைத்தேவை
சந்ததிகளை ஆசீர்வதிக்கும் பித்துக்களின் ஆசிகள் ,வீட்டில் தர்ப்பணம் செய்யும் போது
மந்திரங்கலின் மூலம் உபயோகப்படுத்தும் பொருட்களின் சக்தியின் மூலம் இறந்துபோன
முன்னோர்கள் வந்து கொடுக்கும் தானங்களை சூக்ஷம ரூபத்தில் பெற்று மனபூர்வமாக ஆசிகள்
வழங்குகின்றனர் இந்த நாட்களில் அன்னதானம் தக்ஷிணைத் தானம் தான்யம் தானம்
வாழைக்காய், அரிசிதானம் கொடுக்கும் வழ்க்கம் உண்டு .இதன் பலன்கள் நம்க்கு அவசியம்
கிடைக்கும்
இந்த மஹாளய நாட்கள் ஆவணி மாதம் பௌர்ணமிக்கு மறு நாள் பிரதமையிலிருந்து
ஆரம்பிக்கும் சம்ஸ்கிருதத்தில் பிரதமை என்பது ஒன்றைக்குறிக்கும் அதாவது முதல்
நாள் பின் த்விதியை என்று அமாவாசை வரை முடியும் இது 15 நாட்கள் ,இந்த அமாவாசையில் தான் கொலு பொம்மை வைக்க ஆரம்பிப்பார்கள் இவைகளை திதிகள்
என்பார்கள் இந்தத் திதிகளில் எதாவது ஒருதிதியில்தான் இறந்து போனவரின் திதியும் வரும் ,அந்தத் திதியை ஞாபகம் வைத்துக்கொண்டு அன்று மூதாதையர்கள் மற்ற பல

இறந்தவர்களை நினைவுக்கூறி தகுந்த சடங்குகளால் அவர்களைத் திருப்தி செய்கிறார்கள்
நாம் ஏன் அவர்களை நினைக்க வேண்டும்? ஆம ஒருவர் பிறந்த் தினத்திலிருந்து இறந்தவரை எத்தனை நல்லக்காரியம் செய்திருப்பார்கள் ,எத்தனைத் தியாகம் செய்திருப்பார்கள் ,எத்தனைச் சாதனைகள்.எத்தனை வீரச்செயலகள் எத்தனனச் சோதனைகளைச் சந்தித்திருப்பார்கள் ,,,,,,,அவர்களை நினைத்துப் பார்க்கும் கடமையும்
மகன்கள் மகள் பந்துக்களுக்கு உண்டல்லவா? அவர்கள் இறந்தாலும் அவர்கள்
ஆசியில் நாம் நல்வாழ்வு வாழ்கிறோம் .
சிலர் இது போல் செய்ய விருப்பமில்லாமல் இருந்தாலும் அவர்கள் ஏழைகளுக்கு அல்லது
தேவைப்படுபவர்களுக்கு அன்னதானமோ ,துணிகள் தானமோ அல்லது வேறு வித்த்தில்
தானம் செய்து இதை நிறைவேற்றுகிறார்கள்
நம் மூதாதையர்கள் சூக்ஷ்ம ரூபத்தில் வரும் நாட்கள் கிரஹண புண்யகாலம் ஆடி அமாவாசை
தை அமாவாசை ஆடி மாதப்பிறப்பு தைமாதப்பிறப்பு பின் மாஹாளய நாட்கள்,,,,,

சிலர் நதிதீரத்திலும் சென்று தர்ப்பணம் செய்வார்கள்
இதற்கு வடக்கில் சிறந்த இடங்கள் வடக்கில் காசி ஹரித்வார் ரிஷிகேஷ் விஷ்ணுப்பிராயக் ருத்ரப்பிரயாக் ,புஷ்கர்

தெற்கில் திருச்சி காவேரி,ஸ்ரீரங்கம் கும்பகோணம் திலதர்ப்பணபுரி கோதாவரி தீரம்
ராமேஸ்வரம் கன்னியாகுமாரி முதலியவைகள்

அன்புடன் விசாலம்

வராக ஜயந்தி

அன்பு குழந்தைகளே ஆவணி மாதம் வராக ஜயந்தி வருகிறது
வராக அவதாரம் பத்து அவதாரங்களில் மூன்றாவதாக எடுத்த அவதாரம் ,யார் இந்த
வராகப்பெருமாள் ,சாட்சாத் மகாவிஷ்ணுதான் ,,,இவர் ஏன் வராக அதாவது தமிழில் காட்டுப்
பன்றி உருவம் எடுக்கவேண்டும் ?
இது உலகை உய்விக்க எடுத்த அவதார்ம் இதன் புராணக்கதை என்னவென்றால் வைக்குண்டத்தைக் காக்கும் காவற்காப்போன் இருவர் இருந்தனர் பெயர் ஜய விஜய ,
இவர்கள் ஒரு தவறுக்கு சனகாதி முனிவர்களின் சாபத்துக்கு ஆளானார்கள் அதன்படி கச்யபர்
முனிவருக்கு மைந்தர்களாகப் பிறந்தனர் அவர்களே இரண்யகசிபு ,இரண்யாக்ஷன்
இவர்கள் பிறப்பின் போது பல அப சகுனங்கள் தோன்றியதாம்
பிரம்மாவை நோக்கி தவமிருக்க ஆரம்பித்தான் ஹிரண்யாக்ஷன் கடும் தவத்தினால் பிரும்மா மகிழ்ச்சிக்கொண்டு வரம் கேட்கும்படி சொன்னார் அவனும் பன்றியை மிகக் கேவலமாக
நினைத்து அதை விலக்கி பின் தனக்கு எவராலும் மரணம் வரக்கூடாது என்று கேட்டான்
அவரும் தந்து விட்டார் அதன் பின் அவனது அட்டக்காசம் அதிகரித்தது அவன் பூமியை
எடுத்துக்கொண்டு கடலுக்குள் ஒளித்து வைத்தான்
பூமிதேவி அந்த அரக்கினிடம் அகப்பட்டு வேதனைகள் அனுபவித்தாள் பின் தன்
சுவாமி மஹாவிஷ்ணுவினிடம் முறையிட்டு தன்னைக் காப்பாற்றும்படிவேண்டிக்
கொண்டாள் இதே நேரத்தில் பல ரிஷிகளும் முனிவர்களும் பூமாதேவியைக்
காப்பாற்ற பிரார்த்தனைச் செய்யத்தொடங்கினர் இதே போல் தேவலோகத்திலும்
விஷ்ணுவை வேண்டிக்கொண்டனர் விஷ்ணுவும் மனம் இறங்கினார்
பிரும்மாவின் மூலம் வராகமாகி அவதரித்தார்
பிரும்மாவின் யோகநிஷ்டையால் தன் நாசியிலிருந்து கட்டைவிரல் அளவு வெளிப்பட்ட வராகம்
நிமிஷத்திற்குள் மிகப் பெரிதாக வளர்ந்து மலைப்போல் ஆனது இதன் நடுவில் இரண்யாக்ஷன்
வருணனைப் போருக்கு அழைத்தான் வருணன் வராக மூர்த்தியுடன் போர் செய்யும்படி
சொன்னார் இரண்யனும் அதனுடன் சண்டை இட அவர் அவனைச் சம்ஹாரம் செய்து பின் தன் மூக்கினால் பூமிதேவியைத் தூக்கியபடி மீட்டு மேலே கொண்டுவந்தார்
எல்லோரும் மகிழ்ந்தனர்
இந்த வராக மூர்த்தியின் கோயில் திருக்கூடலூரில் இருக்கிறது இதை "ஆடுதுரைப்பெருமாள்

கோயில் "என்றும் சொல்கிறார்கள் இவர் கேட்டதெல்லாம் வழங்குவார் கல்வி நோயற்ற
வாழ்வு , செல்வம் என பல வழங்கும் இவரது ஜயந்தியை நாமும் கொண்டாடலாமே

இரண்டிலிருந்து பதினாறு வரை

இரண்டு வயது
அம்மாவின் தலைப்பு
அவள் அணைப்பே இன்பம்
அவளே உலகம்

நாலு வயது
நர்சரியில் தூக்கம்
அம்மாவைப் பார்க்கும் ஏக்கம்
விளையாட்டில் கல்வி

ஆறுவயது
புது டீச்சர் அறிமுகம்
அவளது சொல்லே வேதவாக்கு
கதைக் கேட்பது பொழுது போக்கு

எட்டுவயது
அதிக விஷமம
அம்மாவிடம் பள்ளி புராணம்
படிக்காமல் இருக்க பல காரணம்

பன்னிரெண்டு வயது
அழகுக்கு அதிக நேரம்
டீச்சரை வாரல்
நண்பர்கள் பெருகல்

பதினாறு வயது
பெண்கள் பால் ஈர்ப்பு
உடல் மாற்றத்தின் ஏற்பு
அனுபவஙகள் புதிது

இனிய பதினாறு
பாலியல் கல்வி ஒரு அலசல்
சுய அனுபவம், தன்னை மறத்தல்
ஹீரோ நினைப்பில் மகிழும் முகம்
காதல் இன்பத்தைப் பருகும் சுகம்
கண்ணாடி முன் அதிக நேரம்
கூட இருப்பது சீப்பும் மொபைலும்
உயிர்க் கொடுக்கும் நண்பர்களின் தோற்றம்
காதல் தோல்வியில் முகத்தின் வாற்றம்

அன்று தொடரும் அவன் காதல்
ஆட்டிப்படைக்கும் அவனைக் காதல்
இன்பமும் அள்ளி வழங்கும் காதல்
துன்பத்தில் பைத்தியமாக்கும் காதல்

காந்தி மகான்

காந்தி நீ எங்கு இருக்கிறாய்?
ஓடி வந்து நாட்டைக் காப்பாய் ,
நீயே இந்நாட்டை வாழ வைத்தாய்
இன்று பலரால் நாடு வீழ்கிறதே !
நீயோ கடும்போர் வழி இகழ்ந்தாய் .
ஆனால் இன்றும் எங்கும் போர் நிகழ்கிறதே
அஹிம்சை என்ற ஆயுதம் பிடித்தாய் .
இன்றோ இம்சை ஆயுதம் இயங்குகிறதே !
எங்கும் அன்பென துடுப்பு போட்டாய்
ஆனால் இன்றும் வெறுப்பு ஓங்குகிறதே
எல்லா இதயத்திலும் கடவுளைக் கண்டாய் !
இன்றோ மக்களின் உள்ளம் மாசு படிகிறதே
பாழ்ப்பட்ட பாரதத்தை உயர்த்தி நிறுத்தினாய்
இன்றோ பாரதம் பண்பில் தாழ்கிறதே
கைராட்டினமே உன் மூச்சாக இருந்தாய் .
இன்று ராட்டினமே தெரியாமல் போனதே
சத்தியம் தருமச்சோதனையில் வென்றாய் .
இன்று சத்தியம் என்ற சொல்லே மறந்து போனதே
சாதிக்கொடுமையை நீ அன்றே எதிர்த்தாய் .
இன்றும் சாதி சண்டை நிற்கிறதே !
ஒரு சிறு வேஷ்டி துண்டில் நீ வாழ்ந்தாய்
இன்று போலி கௌரவம் வாழ்கிறதே
நான்கு திசையிலும் சுதந்திர நாதம் முழக்கினாய்
இன்று நாலு திசையிலும் லஞ்சம் முழங்குகிறதே !
நற்குணம் கொண்ட கல்வியே மேனமை என்றாய்
இன்றோ கல்வி வெறும் ஏட்டுப்படிப்பானதே
காந்தி நீ ஏன் மறைந்தாய் ?
திரும்பி வந்து நாட்டைக் காப்பாய் ,,

இவரும் ஒரு காந்தியே

ரயில் வண்டி ஓடி நடுவே மஹ்பூப்நகரில் விபத்துக்குள்ளானது மனது ஒடிந்துப்போனார் அந்த
ரயில்வே மந்திரி உடனே வேலையிலிருந்து நீங்கிக்கொள்ள கடிதம் கொடுத்தார் ஆனால் நேருஜி அவரை விடவில்லை ஆகையால் தொடர்ந்தார். ஆனால் இதே போல் அரியலூரில் திரும்பவும் ஒரு விபத்து ஏற்பட உடனே தன் பொறுப்பை உணர்ந்து தன் பதவியிலிருந்து நீங்கிக் கொண்டார் அத்துடன் அவர் குடியிருந்த பெரிய அரசைச்சேர்ந்த வீட்டையும் விட்டு விட்டார் . அவருக்கு அப்போது வேறு வீடு கூட இல்லை அவர் சேர்த்திருந்தால் மாளிகைக்
கூட கட்டி இருக்கலாம் ஆனால் ஒரு பைசா கூட லஞ்சம் வாங்காமல் நேர்மை சத்தியம்
எளிமை என்று வாழ்ந்தவர் இப்போது தெரிந்திருக்கும் அவர் யார் என்று ,,,,,அவர்தான் திரு லால்பஹாதுர் சாஸ்த்ரி அவர் ரயில் மந்திரியாக இருந்த போது தான் ரயிலில் இரண்டே வகுப்புக்கள் கொண்டு வந்தார் இரண்டாம் வகுப்புக்கும் முதல் வகுப்புக்கு இருந்த எல்லா சௌகரியங்க்ளையும் கொடுத்தார் மூன்றாம் வகுப்புக்கு அப்போது காற்று வசதியும் இல்லை இவர் அதில்{ fan }காற்றாடி வசதிகளைச்செய்து கொடுத்தார் சிறுவயதிலிருந்தே அவர்
தந்தையை இழந்து விட்டார் தன் தாத்தா வீட்டில் வளர்ந்தார் பின் வாரணாசியில் தன் மாமாவின் வீட்டில் வளர்ந்தார் ஒருவரது பாசமும் கிடைக்காமல் இருந்தாலும் தன் தாயின் வழியில் நல்ல பண்புகளைப் பெற்றார் காந்தீஜியின் நட்புகிடைத்தது 1915 ல் அவருடைய
பேச்சைக் கேட்டார் அதிலிருந்து நம்ம் நட்டிற்கு ஏதாவது செய்து சுதந்திரப்போரில் பங்கு பெற ஆசைக் கொண்டார் வகுப்பு வாதத்தை ஒழிக்கப் பாடு பட்டார் தன் பெயரில் இருந்த
சாதிப் பெயரை போடாமல் விட்டார் பலதடவைகள் ஜெயிலுக்குப் போனார்
இவர் பின்னால் தன்னுடைய உழைப்பாலும் நற்பண்புகளலும் ராஜ்யசபா அங்கத்தினர் ஆகி பின் நேரு மறைவுக்குப் பிறகு பிரதம மந்திரியும் ஆனார் அப்போதும் அவரது உடை மிக எளிமையாகத்தான் இருந்தது எங்கு சென்றாலும் கூடியவரை ரயிலிலேயே செல்வார் காந்திஜியின் சத்தியம் அஹிம்சை ,எளிமை , நாட்டுப்பற்று, தெய்வ பக்தி ,,புன்னகை
எல்லோரிடமும் கனிவான பேச்சு என்று எல்லாமே இவரிடமே இருந்தது பின்
தாஷ்கெந்தில் இவர் இந்தியா பாக்க்கிஸ்தான் போரின் உடன்படிக்கை செய்யச் சென்ற போது
மார்புவலியால் உயிர் இழந்தார் இவருக்கும் இறந்தப்பின பாரதரத்னா பட்டம் கொடுக்கப்பட்டது இவரது பிறந்த நாளும் அக்டோபர் இரண்டு தான் காந்திஜியை நினைவு கொள்ளும் நாம் ஸ்ரீ லால்பஹாதுர் சாஸ்திரியையும் நினைத்துப்பார்த்து அவர் வழி
செல்ல முயற்சி செய்யலாமே
இதே போல் திரு காம்ராஜரின் நினவு நாளும் இதே தினம்தான் அவரும் காந்திஜியின் வழிதான் பின் பற்றினார் அவரையும் பணிவுடன் வணங்குகிறேன்

உலக அஹிம்சா தினம்

அக்டோபர் இரண்டு உலக அஹிமசை தினம் ,இந்த ஒரு நாளாவது குண்டு வெடிப்பு கொலை
அராஜகம் போர் இல்லாமல் இருக்க வேண்டும் தீவிரவாதிகள் இந்த ஒரு தினமாவது
மகாத்மா காந்திஜிக்கு மரியாதைச் செலுத்தும் வகையில் த்ங்க்ள் வால்களைச் சுருட்டி
வைத்துக் கொள்ள வேண்டும் கொஞ்சம் ஓய்வு எடுத்துக் கொள்ளட்டும் ,,,இன்றைய தினமாவது
ஸ்ரீலங்காவில் பயமில்லாமல் நிம்மதியுடன் மக்கள் நடமாடட்டும் இந்த அஹிம்சை தினம் தொடர்ந்து இருக்க பிராத்தனை செய்வோம்

ஜூன் 15ம் தேதி 2007 ம் ஆண்டு ஐக்கிய நாடுகளின் முக்கிய அங்கத்தினர் ஜெனரல் செகரட்ரி
காந்திஜியின் கொள்கையான அஹிம்சை அன்பு ,,,,,இந்த இரண்டிற்காக உலக அஹிம்சா தினம் கொண்டாடும் எண்ணத்தை வெளியிட்டவுடன் அதை எல்லோரும் ஆதரித்தனர் சுதந்திரத்திற்காகப் பாடுப்பட்ட காந்திஜி மனித உரிமைகளையும் இந்தியாவிலும் தென் ஆப்பிரிக்காவிலும் எடுத்துரைக்க அது எல்லா இடங்களிலும் பரவி நன்மையே செய்தது அதனால் அவரது பிறந்த அக்டோபர் இரண்டாம் தேதியை முக்கிய நாளாக உலகம் முழுவதும்
கொண்டாட முயற்சி செய்து அது அங்கீகரிக்கப்பட்டது 192 அங்கதினர்களுடன் திரு ஆனந்த சர்மா {minster of external affairs } இதை மகிழ்ச்சியுடன் தெரிவிக்க பின் மஹாத்மாவின் வேதாந்தம் பற்றியும் விவரிக்கப்பட்டது
பின் சஞ்சய் தத்தின் "லகே ரஹோ முன்னாபாய்" என்ற காந்தீயம் கொண்ட சினிமா காட்டப்பட்டது

"உற்றுநோய் நோன்றலுயிர்க்குறுகண் செய்யாமை
அற்றே தவத்திற் குரு . "

இந்த வள்ளுவர் வாசகம் படி தமக்கு வரும் துன்பத்தைப் பொறுத்துக் கொள்ளுதல் தாம் பிறர் உயிர்களுக்கு துன்பம் தராதிருத்தல் போன்றத் தவத்தினைக் கடைபிட்த்தார் காந்திஜி
நாம் பிறர் உடலுக்கு துன்புறுத்துவது மட்டும் ஹிம்சை என்று கொள்ளாமல் பிறர் மனம்
புண்படுமாறு நடந்து கொண்டாலும் அது ஹிம்சைதான் என்று கொள்ள வேண்டும்
இந்த நன்நாளில் சூளுரைப்போம்
" நான் எப்போதும் யாருடைய உடலுக்கும் மனதுக்கும் துனபம் தரமாட்டேன் துன்பம் படும் உயிர்களுக்கு என்னால் முடிந்த உதவியைச் செய்வேன் "
இது திரு வேதாத்ரி மஹரிஷி சொன்ன வாக்கு

வாழ்க உலக அஹிம்சா தினம்

அன்புடன் விசாலம்