ஆடிமாதச்சிறப்பு

வைணவர்களுக்கு ஆடிப்பூரம் மிகவும் முக்கியமான நாள். அன்றுதான் ஆண்டாள் பிறந்த தினம். வரலட்சுமிவிரதமும் சில சமயம் ஆடியில் வந்து விடும்.ஆடி மாதம் தான் தக்ஷிணாயணத்தின் தொடக்கம். இது ஒரு புண்யகாலமாகக் கருதப்படுகிறது. பண்டிகைகள் பல நம்மைப் பரவசப்படுத்தும் மாதம் இந்த ஆடிமாதம். ஆடி மாதம் என்றாலே மல்லிகை மணமும் கூடவே வரும். அம்மன் கோயில்களில் பூக்களால் அலங்கார பூஷிணியாக அமர்ந்திருப்பாள்.இந்த மாதத்தில் தான் சதுர்மாஸ்ய விரதம் தொடங்குகிறது. அதாவது சன்யாசி போன்ற பெரியவர்கள் ஒரு இடத்தில் அமர்ந்து பூஜை புனஸ்காரங்களைத் தொடருவர். இந்தக் காலத்தில்தான் பல ஊர்வன வகையைச் சேர்ந்த ஜீவராசிகள் மழை வெள்ளத்தைத் தாங்க முடியாமல் தங்கள் இருப்பிடத்திலிருந்து வெளிவரும். அப்போது நடந்தால் அவைகள் மிதிபட்டு, துன்பப்பட்டு இறக்க நேரிடும் என்பதால் சன்யாசிகள், சாதுக்கள் ஒரு இடத்தில் போய் அமர்ந்து நாலு மாதங்கள் அங்கேயே தங்கி இருப்பர். வியாசபூஜையும் நடக்கும். இது ஆடி பெளர்ணமியில் குரு பூர்ணிமா என்ற பெயரில் நடக்கும். மஹாராஷ்ட்ராவில் தத்தாத்ரேயருக்கும் சிறப்பு பூஜை உண்டு. தவிர ஸ்ரீமஹாவிஷ்ணு சயனக்கோலத்தில் இருந்துகொண்டு நம்மைக் காக்கிறார். இந்த மாதம் வரும் ஏகாதசி மிக விசேஷமானது, சயன ஏகாதசி என்றும் ஷாட ஏகாதசி என்றும் கூறுவார்கள். ஆடி மாதம் வரும் ஏகாதசியை மஹராஷ்ட்ரத்தில் ஆஷாட ஏகாதசி என்று மிகச் சிறப்பாகக் கொண்டாடுவார்கள். காவடி போல் தோளில் இருபக்கமும் பால் அல்லது தயிர் எடுத்துக்கொண்டு பண்டரிபுரம் சென்று பகவான் விட்டலைத் தரிசனம் செய்து விட்டு வருவார்கள். பண்டரிபுரம் வரை பொடி நடைதான். நடு நடுவே செல்வந்தர்கள் அவர்களுக்கு உணவுப் பந்தல் ஏற்பாடு செய்திருப்பார்கள். சிறுவர்களும் இதில் கூட்டம் கூட்டமாகப் போவார்கள். அவர்கள் வாயில் 'பாண்டுரங்க விட்டலா பண்டரிநாத விட்டலா' என்றும் 'விட்டல் விட்டல் ஜய ஜய விட்டல்' என்றும் விடாமல் நாமஜபம் வந்து கொண்டிருக்கும். விஷ்ணு கோயிலில் இந்த நேரம் தக்ஷிணாயண வாயிலைத் திறப்பார்கள். இது தெற்குப் பக்கம் இருக்கும். இது போல் உத்தராயண வாசலும் உண்டு, அதாவது அது வடக்குப் பக்க வாசல்.இந்த மாதத்திலேதான் ஜீவ நதிகளுக்கு பூஜை செய்யப்படுகிறது. இதை ஜலப்பிரவாஹப்பூஜை என்று சொல்கிறார்கள். காவேரி அம்மனுக்கு மசக்கை என்று ஆடி பதினெட்டாம் பெருக்கைக் கொண்டாடுகிறார்கள். காலையில் காவிரி நதி தீரம் சென்று குளித்து, அம்மன் பூஜை செய்து பின் எல்லா சித்திரான்னங்களையும் படைப்பார்கள். எலுமிச்சைசாதம், புளியஞ்சாதம், தயிர் சாதம், வற்றல் வடகங்கள் என்று கொண்டு போய் அங்கு ஆற்று மணலின் அருகே அமர்ந்து குடும்பத்தினர் அனைவரும் உண்டு மகிழ்வார்கள்.பித்ருக்களுக்கு தர்ப்பணம் செய்வதற்கு ஆடி அமாவாசை மிகச் சிறந்த நாள். ஆடி பதினெட்டாம் பெருக்கு அன்று உழவர்கள் நிலத்தில் விதைகள் விதைப்பார்கள். ஆடி மாதம் மாரியம்மனுக்கு மிகவும்விசேஷம் பொருந்திய நாள். ஆடி செவ்வாய் அன்றும் ஆடி வெள்ளி அன்றும் சிலர் ஞாயிறன்றும் அம்மனுக்குக் கூழ் ஊற்றுவார்கள். கிராமங்களில் எல்லை தேவதைகளுக்கும் இந்த உபசாரங்கள் நடக்கும். மஞ்சள், வேப்பிலை, குங்குமம் முக்கியப் பங்கு வகிக்கும். வைணவர்களுக்கு ஆடிப்பூரம் மிகவும் முக்கியமான நாள். அன்றுதான் ஆண்டாள் பிறந்த தினம். வரலட்சுமிவிரதமும் சில சமயம் ஆடியில் வந்து விடும். அன்னை காமாட்சியும் சிவனை நோக்கித் தவம் இருந்து பின் ஈசனை அடைந்த மாதம் இந்த ஆடி மாதம் தான். ஆடி மாதம் சிலர் தேவியை வாராஹியாக வழிபடுவர். இவள் நமக்கு தைரியத்தை வழங்கி சத்ருவை அடக்குகிறாள்.பொன்னி அம்மன், பச்சை அம்மன், திரெளபதி அம்மன், பொம்மி, காத்தாயி, மதுரைவீரன், முனீஸ்வரன் என்ற தெய்வங்களையும் இந்த மாதம் கரகம், காவடி, தெருக்கூத்து போன்றவைகளுடன் வழிபடுகிறார்கள்.திருநெல்வேலி மாவட்டம், சங்கரன்கோவிலில் ஆடி தபசு விழா நடக்கிறது. அதாவது கோமதி அம்மன் தவம் இருக்க, புன்னைவனத்தில் சிவன் சங்கரநாராயணராக அவருக்கு் பெளர்ணமி அன்று காட்சி அளித்தார்.தவிர சுதந்திர தினமும் இந்த மாதத்தில் தான் அநேகமாக வருகிறது. அத்துடன் அன்னையைப் பராசக்தியாகக் கண்ட, கண்ணனையும் தரிசனம் செய்த ஸ்ரீஅரவிந்தர் அவர்களின் பிறந்த தினமும், கவிமணி தேசிகவிநாயகம் பிள்ளை அவர்களின் பிறந்த தினமும் ஆகஸ்ட் 15ல் வருகிறது. , ஷீரடியில் ஷீரடி பாபா உத்சவமும் பிரமாதமாக நடக்கும்.
அன்புடன் விசாலம்

நிர்ப்பந்தம்

நிர்ப்பந்தம்

பகல் இரவானது
இரவு பகலானது
இரவும் கசந்தது
பகலும் சுமையானது
இயந்திரமானது உடல்
வெறுத்துவிட்டது கூடல்
எல்லாம் உயிருடனிருக்க
செத்து விட்டது உணர்ச்சிகள்
சுயநலமிக்க மனிதர்கள்
சுய இன்பத்திற்கு வந்தவர்கள்
விட்டில் பூச்சிப்போல் விழுந்தப்பின்
விளக்கு எரிய வழியுண்டோ ?

அன்புடன் விசாலம்

யார் நரி யார் புலி

மிருகங்களைக் காண
காடு சென்றேன்.
என் செல்ல மகளின்
அன்புக் கட்டளையால்
"அதோ பார் நரி"என்றேன்
கைத்தட்டிச் சிரித்தாள.
வெகு தூரத்தில் புலி என்றேன்
பயமில்லாமல் பார்த்தாள்.
"ஆஹா இதோ வந்து விட்டது கரடி"என்றேன்
கன்னம் குழியச் சிரித்தாள்,
பின் ஒரு கேள்விக் கேட்டாள்,
"அப்பா மனிதர்களில்
யார் புலி ? யார் நரி ?
எப்படிக் கண்டுப்பிடிப்பது?

இரண்டு பேய்கள்

ஓரங்க நாடகம் ,,,,,,இது ஒரு ஹாஸ்ய்த்திற்கு மட்டும் தான்

இடம் ,,புளிய மரத்தடியில் ஒரு மேடை , நேரம் ,,,இரவு 12 மணி

பாத்திரங்கள் ,இரண்டு பிசாசுகள் ,ஒரு மனிதன் சைகிளில் ,,,,,,,,
காட்சி ,,,,,,

ஒரு பிசாசு {இளைஞன்],,,,,,,"எத்தனை நாள் இங்குத் தனியாக இருக்கிறேன் . சுதந்திர தினமும் வருகிறது,,,,, பேச யாராவது
வருகிறார்களா ?என்னுடன் பேச யராவது வருகிறீர்களா?

வேகமாகச் காற்று அடித்துச் சுழல ஒரு வயதானப் பேய
வருகிறது வெள்ளை நிறத்தில் ,,,,,,,

வயதானப்பேய்,,,, " என்ன ! முனிசாமி என்ன யோசனை?என்னைத் தெரிகிறதா?"

இ ,பே,,,,,,"நீங்கள் யாரு எந்தத் தொகுதியைச் சேர்ந்தவர்?
என்ன ஜாதி ?"
வ் பே,,,,"ஏம்பா இத்தனை வருடமாகியும் இந்த ஜாதி மதத்தை விடவில்லையா ?சரி ,,,,நானா,,,நான் வந்து
சுதந்திரப்போரில் ஈடுபட்டு பின் சுதந்திரத்தைப் பார்த்துக்
களித்தவன் ,"
இ பே,," பின் எப்படி பேயானீர்கள்?"
வ் பே ,,,,,,,இந்தியா பாகிஸ்தான் போரில் என்னைத் தகாத
முறையில் சுட்டுவிட்டனர் அதுதான் இப்படி ,,,ஆமாம் நீ ஏன் இப்ப்டி,,,?"

இ பே ,,,,,நானா அது வந்து தேர்தல் சமயத்தில் ஒருவனைக்கொலைச் செய்ய எனக்கு மேலிடத்திலிருந்து
உத்தரவு வந்தது அது செய்வதற்குள் என்னை மாட்டவிட்டு என்னையே கொலைச் செய்துவிட்டான் ஒரு பாவி,,,"

வ் பே,,,,,"அச்சச்சோ ,,,மிக வருந்துகிறேன் ,இப்ப்டிக் கூட
ஒரு தேர்தல் நம் நாட்டிலா நட்க்கிறது?"
இ,,பே ,,,,,,,,ஆமாம் இப்போ எல்லாம் அந்தக் காலத் தேர்தல் போல் நடப்பதில்லை ,"
வ பே ,,,,"சரி இந்தக் காலத் தேர்தலுக்கு என்ன தகுதி வேண்டும் ?"

இ பே ஹாஹ்ஹா தகுதியா,,,,தகுதியே வேண்டாம் "

வ பே ,,,,,அது என்ன அப்படிச் சொல்கிறாய்?"
இ பே ,,,,,தேர்தலுக்கு பணக்காரனும் நிற்கலாம் ஏழைகளும் நிற்கலாம் சிறந்த அறிவாளியும் நிற்கலாம்
முட்டாளும் நிற்கலாம் கைநாட்டு வைக்கத்தெரிந்தாலே போதும் ,சன்னியாசியும் நிற்கலாம் குடும்பஸ்தர்களும்
நிற்கலாம் யார் நின்றாலும் மக்கள் தன் சுயபுத்தியை
உபயோகித்து ஓட்டுப் போடும் வழக்கமில்லை."

வ.பே ,,,,,,,,அப்படியா வேடிக்கையாக இருக்கே வேறு
என்ன தெரிந்திருக்க வேண்டும்?"

இ .பே ,,,அப்படிக் கேளும் பெரியவரே ,, நன்கு பேசத் தெரிந்திருக்க வேண்டும் கூச்சல் போடத்தெரிந்திருக்க வேண்டும் "என் இரத்தத்தின் இரத்தமே "என்று மேடைப்
பேச்சை ஆரம்பிக்க வேண்டும் லஞ்சம் வாங்கத் தெரிந்திருக்க வேண்டும் ,கோடிக்கோடியாகச் சேர்க்கத்
தெரிந்துக்கொள்ள வேண்டும் "
வ பே அப்பப்பா இத்தனை முன்னேறி விட்டதா நம் நாடு ?"
இ பே ,,,,,,,"இருங்கள் இன்னும் சொல்கிறேன் பத்விக்கு வந்து விட்டால் சில வாக்கியங்கள் சொல்லத் தெரிய வேண்டும் "

வ பே ,,அப்படியா அது என்ன ?"

இ பே,,,," ஒன்று பொறுமைக் காப்போம் பேச்சுவார்த்தைகள் நடந்து கொண்டிருக்கின்றன .2,கட்சித்தலைவர்கள்
முடிவெடுத்தவுடன் எல்லாம் தெரிய வரும் .3 எங்கள்
கட்சிக்கு உயிரையே கொடுப்போம் 4 , அது பற்றி ஆராய
ஒரு கமிஷன் நியமித்திருக்கிறோம் அது முடிவு செய்யும் .,இந்த சில வாக்கியங்களைப் பேசத் தெரிந்தால்
எந்த இக்கட்டிலிருந்தும் தப்பி விடலாம் "

வ ,பே,,,,,"சரி தேர்தலில் செயிப்பது எப்படி ?அத விளக்கமாகச் சொல்லு "

இ பே ,,,," அதுவா ரொம்ப ரொம்ப எளிது ஓட்டுப்போடுபவர்களுக்கு ஒரு காப்பிப்பொடி பேக்கட்
இலவசம் என்று தெருத்தெருவாய் கூறினால் போதும் இலவசம் என்பது ஒரு மந்திரச் சொல் ,அதில் மயங்காதவரும் உண்டோ ? "

வ பே,,,,,அப்படியும் மயங்கவில்லை என்றல்?"

இ பே ,,,அதுக்குதான் நோட்டு இருக்கே மெள்ள சில நோட்டுக்கத்தைகளை அவன் கண்ணில் காட்டினாலே போதும் பெட்டிப்பாம்பாக மாறி விடுவான் காரியமும் நடந்து விடும் "

அப்போது இரவு படம் பார்த்த மகிழ்ச்சியில் ஒருவன்
சைக்களில் பாடிய படியே வருகிறான் "காதல் பிசாசே காதல் பிசாசே ,,,,"
வ பே "இது என்ன?நம் பேர் வைத்துக்கூட பாடல்கள்
வந்திருக்கிறது "

இ பே,,,,,"ஆமாம் இது ஹிட் சாங் ,,,,,நம் பேரை வைத்து செய்யும் சினிமாவும் சரி பாடலும் சரி ஹிட்டு தான்
சந்தரமுகி பாடலும் ஹீட் ,,,,,,பாடட்டுமா ,,,,,,,{பாடத்
தொடங்குகிறது ,,'ரா ரா ஸரஸகு ராரா ,,,,,,"

வ பே "போதும் போதும் எனக்கு நாழி ஆகிவிட்டது அந்தக்கால படேல் லாலாலஜபதிராய் லோகமான்யதிலக்
திரு வ உ சிதம்பரனார் போன்றத்தலைவர்கள்
இந்தக் காலத்தில் கிடைக்குமா ?எனக்கு வேண்டாம்பா இந்த இடம் , "
இ பே ,,,எங்கு போவீர்கள்? எல்லா இடத்திலேயும் இதே
பாட்டுத்தான் என்னிடமே இருந்து விடுங்கள் பேச்சுத்
துணையாக ,,,,,,,,"
வ பே இல்லேப்பா ஜம்மூ காஷ்மீரில் சண்டையாம் அதையும் பார்த்துவிட்டு வருகிறேன் "

என் தோழி

உஷா என் பிரியத் தோழியே !
நீ என் விசிறி
நீ இல்லாமல் நானில்லை ,
நீ வந்தாலே தென்றல்
மேனி மேல் தழுவ ஆவல் ,
உஷ்ணத்துடன் நான் அமர ,
குளுமையுடன் நெருங்குகிறாய் ,
உன்னைத் தினமும் முடுக்குகிறேன்
சோர்வில்லாமல் இயங்குகிறாய்
உன் காதைத் திருகிப் பார்க்கிறேன்
மலர்ந்தமுகத்துடன் சுழல்கிறாய் ,
கொசு விரட்டவும் எனக்கு நீதான் ,
என் அன்புத் தோழியே
எப்பவும் எனக்கு நீதான்
மினசாரம் இல்லை என்றால்
நீயும் வ்ருவதில்லை
நானும் சோர்ந்துப் போகிறேன்,
நீ வரும் நேரம் எதுவோ?
ஆவலுடன் உனையே பார்க்கிறேன்

அன்புடன் விசாலம்

என் பேர் என்ன?

அன்பு குழந்தைகளே அப்பாடா ,,பரீட்சை முடிந்து ஜாலியாக இருப்பீர்கள்! சிறு வயதில் என் பாட்டி எனக்குச் சொல்லியக் கதை ஞாபகம் வந்தது நான் ஐந்து வயதில் கேட்ட கதை ,இதிலிருந்து என்ன தெரிகிறது என்றால் சிறுவயதில் எது மனம் ஒன்றி கேட்டாலும் செய்தாலும் அது மனதிலே அப்படியே படிந்து விடுகிறது அதற்கு தான் நல்ல பழக்கங்களை சிறு வயதிலிருந்தே பழக்கிக்
கொள்ளவேண்டும் சரி கதைக்குப் போவோமா?

"என் பெயர் என்ன ?"

ஒரு ஈ பறந்து வளைய வளைய வந்துக் கொண்டிருந்தது திடீரென்று அதன் பெயர் அதற்கு மறந்து விட்டது சரி யாரைப்போய்க் கேட்கலாம் என்று பார்த்தது
அங்கு ஒரு கன்றுக்குட்டி நின்றுக்கொண்டிருந்தது அதனிடம் போய் "கொழு கொழு கன்றே என் பெயர் என்ன?" என்று கேட்டது ,அதற்கு கன்று "எனக்குத்
தெரியாது என் அம்மா பசு அங்கு புல் மேய்ந்து கொண்டிருக்கிறாளவளிடம் போய் கேள்"
பசுவினிடம் ஈ போயிற்று "கொழுகொழு கன்றே கன்றின் தாயே ,,என் பெயர் என்ன?
பசுவும் "எனக்குத் தெரியாது என்னை மேய்க்கும் இடையனிடம் போய் கேள்"
என்றது இதுவும் விர் என்று பறந்து "கொழுகொழு கன்றே கன்றின் தாயே
தாய் மேய்க்கும் இடையா என் பெயர் என்ன"? என்று வினவியது அவனும் சிறிது யோசித்து "உஹூம் எனக்குத் தெரியவில்லை என் கையில் இருக்கும்
கோலைக் கேள் நான் இது மேய்க்க வைத்துக் கொள்வேன் "
ஈ திருமப அவன் கோலிடம் கேட்டது "கொழுகொழு கன்றே கன்றின் தாயே
தாய் மேய்க்கும் இடையா இடையன் கைக்கோலே என் பெயர் என்ன"?
அதுவும் தெரியாமல் "எனக்குத் தெரியாது நான் வளரும் கொடி மரத்தைக்
கேள் "என்றது ஈயும் கொடி மரத்திற்குச் சென்று
கொழுகொழுகன்றே
கன்றின் தாயே தாய் மேய்க்கும் இடையா
இடையன் கைக்கோலே ,,கோல் வளரும் கொடி மரமே என் பெயர் என்ன"?
கொடி மரம் ஒன்றும் புரியாமல் "எனக்குத் தெரியாது என் கீழ் வந்து நிற்கும்
கொக்கைக் கேள் "என்றது ஈயும் கொக்கிடம் சென்றது பின் கேட்டது
"கொழுகொழு கன்றே கன்றின் தாயே தாய் மேய்க்கும் இடையா இடையன் கைக் கோலே கோல் வளரும் கொடிமரமே கொடிமரத்தின் கீழ் கொக்கே

என் பேயர் என்ன"?
கொக்கிற்கும் தெரியவில்லை" நான் தின்னும் மீனுக்குத் தெரிந்திருக்கும்
அதனிடம் கேள்" என்றது
ஈயும் மீனிடம் போய் "கொழுகொழு கன்றே கன்றின் தாயே தாய் மேய்க்கும்
இடையா இடையன் கைக் கோலே கோல் வளரும் கொடி மரமே
கொடி மரத்தின் கீழ் இருக்கும் கொக்கே கொக்கு தின்னும் மீனே என் பெயர்
என்ன"? மீன் ஒன்றும் புரியாமல் "எனக்குத் தெரியாது என்னைப் பிடிக்கும்
வலையனைக் கேள்" என்றது
"கொழுகொழு கன்றே கன்றின் தாயே தாய் மேய்க்கும் இடையா
இடையன் கைக் கோலே கோல் வளரும் கொடி மரமே கொடி மரத்தின் கொக்கே
கொக்கு தின்னும் மீனே மீன் பிடிக்கும் வலையா என் பெயர் என்ன"?
அவனுக்கும் தெரியவில்லை "என் கையில் இருக்கும் கலயத்தினிடம் கேள்
என்றான் அதுவும் கலயத்தைப்பார்த்து கொழுகொழு கன்றே கன்றின் தாயே
தாய் மேய்க்கும் இடையா இடையன் கைக் கோலே கோல் வளரும் கொடி மரமே
கொடி மரத்தின் கொக்கே கொக்கு தின்னும் மீனே மீன் பிடிக்கும் வலையா
வலையன் கைக் கலயமே என் பெயர் என்ன"?
கலயம் ஈயைப் பார்த்து "எனக்கும் தெரியவில்லை என்னைச் செய்யும் குயவனிடம் கேள்"என்றது ஈயும் குயவனிடம் போய்
கொழுகொழு கன்றே கன்றின் தாயே தாய் மேய்க்கும் இடையா இடையன் கைக்
கோலே கோல் வளரும் கொடி மரமே கொடி மரத்தில் இருக்கும் கொக்கே கொக்கு தின்னும் மீனே மீன் பிடிக்கும் வலையா வலையன் கைக்
கலயமே கலயம் செய்யும் குயவா என் பெய்டர் என்ன"?
அவனும் தனக்குத் தெரியாது என்றுச் சொல்லி "நான் கலயம் செய்யும்
மண்ணைக் கேள்"என்றான் அது மண்ணிடம் சென்று தன் பெயரைக் கேட்டது
மண்சொன்னது "உன் பெயர் எனக்குத் தெரியாது என் மேல் வளரும் புல்லைக்
கேள் " என்றது அந்த ஈ பறந்து புல்லிடம் சென்றது "புல்லே என் பெயர் என்ன"
"எனக்குத் தெரியாது என்னைத் திங்கும் குதிரையை கேள் என்றது ஈ
பறந்து குதிரையிடம் சென்றது
"கொழுகொழுகன்றே
கன்றின் தாயே தாய் மேய்க்கும் இடையா
இடையன் கைக் கோலே
கோல் வளரும் கொடி மரமே
கொடி மரத்தின் கொக்கே
கொக்கு தின்னும் மீனே
மீன் பிடிக்கும் வலையா
வலையன் கைக் கலயமே
கலயம் செய்யும் குயவா
குவயவன் கையின் மண்ணே
மண்ணில் வளரும் புல்லே
புல்லைத் தின்னும் குதிரையே ,,,என பெயர் என்ன்"?
குதிரைப் புல்லைத் தின்று விட்டு ஹீஹீ ஹீ என்று கனைத்தது
ஓ ஞாபகம் வந்து விட்டது எனக்கு நீ சொல்லி விட்டாய் என் பெயரை "என்று
மகிழ்ச்சியுடன் பறந்துச் சென்றது ,,

குழந்தைகளே எப்படி இந்தக் கதை ,,,இந்தக் கதையில் பல தடவைகள் வாக்கியங்கள் திரும்பத் திரும்ப
வருவதால் அப்படியே மனப் பாடம் ஆகி விடுகிறது மேலும் கன்றின் தாய் பசுவைப்
பற்றியும் கால நடைகளை மேய்க்கும் இடையன் பற்றியும் அவன் கையில் இருக்கும் கோல் பற்றியும் கொக்குவுக்கு உணவு மீன் என்பது பற்றியும் சொல்லப்பட்டிருக்கிறது தவிர பல வேலை செய்பவர்கள் குயவன் வலையன்
இடையன் என்பதையும் மண்ணினால் மண்பாண்டம் செய்யலாம் என்றும் மண்ணின் மேல் பல செடி கொடிகள் வளர்கிறது என்றும் குதிரை
புல தின்னும் என்பதும் விளக்கப் பட்டிருக்கிறது சின்ன வேடிக்கைக் கதையினால் அறிவும் அந்தக் காலத்தில் தாத்தா பாட்டிகள் வளர்த்திருக்கிறார்கள் இல்லையா ?எங்கே
இந்தக் கதையைப் படியுங்கள் தனாகவே மனப் பாடம் ஆகிவிடும் எனக்கு 40 வயதில் படித்த சில பாடலக்ளில் சில இடங்கள் மறந்து விட்டன் ஆனால்
ஐந்து வயதில் படித்த பாட்டிச்சொல்லிக் கொடுத்த இந்தக் கதை அப்படியே
ஞாபகம் இருக்கிறது ,,,ஐந்தில் வளையாதது ஐம்பதில் விளையுமா?
ஆகையால் இந்தலீவில் நல்ல பழக்க வழக்கங்களைக் கற்றுக் கொள்ளுங்கள்
அன்புடன் அம்மம்மா

ஆடிசம் குழந்தை

சுகந்தி தனக்கு ஒரு தம்பி பிறக்கப்போகிறான் என்று மிகவும் மகிழ்ச்சியாக இருந்தாள்
படிப்பு பாட்டு நடனம் என்று எல்லாவற்றிலும் முதலிடம் பெற்று புகழுடன் விளங்கினாள் சர்தார்படேல்வித்யாலயாவில் அவள் பங்கு பெறாத இடமே இல்லை அவள் தம்பியும் பிறந்தான் ஒன்பது வருடம் இடைவெளிக்குப் பின் ,,,கொள்ளை ஆசைதான் அந்தத் தம்பிப்
பாப்பாவின் மேல் ,,நாளாக் நாளாக அந்தக் குழந்தையிடம் நார்மல் குழந்தைப் போல் இல்லாமல் சில மாற்றங்களைக் கண்டாள் அதனின் தாய் ,,குழந்தை நிகிலைக் கைத்தட்டிக்
கூப்பிட அது தன் உலகத்தில் இருந்தது அந்த அம்மா காட்டிய சிவப்புக் கலர் பொம்மையோ அவள் கொஞ்சும் குரலும் நிகிலுக்கு விளங்கவில்லை ஸ்பூனால் பால் கொடுத்தலும் சில சமயம் முழுங்கத் தெரிந்தது சில சமயம் வெளியே வழிந்தது அதன் அக்கா சுகந்தி
"நிகில் குட்டி நான் பாட்டு பாடுவேனாம் நீ கைத்தட்டி சிரிப்பாயாம் என்று பல சினிமா மெட்டுக்களைப் பாட அதன் விழிகள் வேறு எங்கேயோ நிலைதிருந்தது என்ன பரிதாபம் ஒன்பது வருடம் கழித்து வந்த ஆண்குழந்தை ,உணர்ச்சியே இல்லாமல் தனக்கு என்று ஒரு தனி உலகம் செய்து வாழுகிறானே ,,,,,பெற்றோர்கள் மனம் நொந்தனர் டாக்டரிடம் போய்
பரிசோதனைச் செய்ததில் அதற்கு ஆடிசம் இருக்கிறது என்று தெரிய வந்தது மூளைக்குப்
போகும் பல நரம்பு மண்டலங்கள் ந்யூரான்ஸ் அதைக் கொண்டு சேர்க்கும் நரம்புகளும் செல்களும் பழுது பட்டிருக்கின்றன் என்று டாகடர் சொன்னார் அவ்வளவுதான் அந்த முதல்
ரேங்க் வரும் அக்கா மனம் ஒடிந்து படிப்பில் கொஞ்சம் கொஞ்சமாக கவன்ம் இல்லாது
ஏதோ பறிக்கொடுத்தாற்போல் இருக்கிறாள் ,
அந்தக் குழந்தை நிகிலுக்கு வயது 5 ஆகியும் ஒரு மாற்றமும் இல்லை ஆனால் உடல் மட்டும் ராஜகுமாரன் போல் அழகாக வளர்ந்திருக்கிறது
ஒரு நாள் அந்தக் குழந்தையை அழைத்து அவனது அம்மா கைப்பிடித்தபடி தெருவைக்கடக்க
திடீரென்று எதிர்பாராத விதமாய் நிகில் அம்மாவின் கையை உதறிவிட்டு ஓடினான் அந்தச்
சமயம் பார்த்து ஒரு கார் வந்து கீரீச்சென்று பிரேக் போட்டு நின்றது உள்ளே இருந்தவன்
"என்ன அம்மா நீங்கள் என்ன யோசனையில் வருகிறீர்கள் குழந்தையைக் கூட பார்த்துக்
கொள்ள முடியவில்லை விபத்து ஏற்பட்டால் மட்டும் கோர்ட் கேஸ் என்று வந்துவிடுவீர்கள்"

என்று கன்னாபின்னா என்று கத்தினான அந்தத் தாய் மனம் கலங்கி குழந்தையின்
ராமாயணத்தை திரும்பவும் கூட்டம் நடுவில் சொல்லத் தயங்கி வந்து விட்டாள் அந்தத் தாய்
பிஎச் டி படிக்கிறாள் {எகனாமிகஸ்}காலேஜில் பெரிய பதவி வகிக்கிறாள்
விட்டில் குழந்தைப் பார்த்துக்க்கொள்ள ஒரு தனி பெண்மணியை அமர்த்தவேண்டி இருந்தது இல்லாவிட்டால் பால்கனியிலிருந்து கூட குதிக்கும் வாய்ப்பு உண்டு இந்த ஆடிசம்
வருவதற்கு காரணங்கள் என்ன ?கர்ப்பம் தரித்தவுடனேயே இது பற்றி தெரிய வாய்ப்பில்லையா
இது போல் குழந்தைகள் 25 வயதுக்கு மேல் இருக்காது என்கிறார்களே அது உண்மையா?
நம் டாக்டர் ச்ங்கர் இதற்கு பதில் அளிப்பார் ,,
இந்தக்குழந்தை யாருமில்லை என் அக்காவின் பேரன் தான் ,,,,,பார்க்க மனது மிகவும்
வருந்துகிறது ஆண்குழந்தைப் பிறக்காதா என்று ஏங்கி பின் பிறந்தக்குழந்தையால் வீட்டில்
எல்லோரும் நிம்மதி இழந்து தவிக்கின்றனர் ,,,,blood group சேரக்கூடாதது சேர்ந்து விட்டால் வரும் பிரச்சனையோ ,

அன்புடன் விசாலம்
,,,